Ind Vs Pak Asia Cup 2023 : Ind Vs Pak Asia Cup 2023 : మినీ టోర్నీలో హై వోల్టేజ్ ఇండో పాక్ మ్యాచ్లో వరుణుడు పలుమార్లు అంతరాయం కలిగిస్తున్నాడు. దీంతో మ్యాచ్ 11.2 ఓవర్ల వద్ద రెండోసారి నిలిచిపోయింది. కాసేపటికి పునః ప్రారంభమైన మ్యాచ్ కాసేపు నిలకడగానే సాగింది. కానీ అంతలోనే మళ్లీ వికెట్ రూపంలో బ్రేక్ పడింది. శుభ్మన్ గిల్(10)ను హారిస్ వెనక్కి పంపాడు. దీంతో భారత్.. 14.4 ఓవర్లకు 71-4గా నిలిచింది. ప్రస్తుతం క్రీజులో హార్దిక్(5), ఇషాన్ కిషన్ (13) ఉన్నారు.
- మొదట 4.2 ఓవర్ వద్ద ఆగిన మ్యాచ్.. సుమారు 30 నిమిషాల తర్వాత ప్రారంభమైంది. అదే ఓవర్లో అద్భుతమైన బంతితో షహీన్.. కెప్టెన్ రోహిత్ శర్మ (11)ను క్లీన్బౌల్డ్ చేశాడు.
- ఇక వన్ డౌన్లో వచ్చిన విరాట్ కోహ్లీ ఎదుర్కొన్న మూడో బంతినే బౌండరీకి తరలించాడు. కానీ 6.3 ఓవర్ వద్ద విరాట్ (4)ను.. షహీన్ వెనక్కిపంపాడు. దీంతో భారత్ 27 పరుగులకే కీలకమైన రోహిత్ , విరాట్ను కోల్పోయి కష్టాల్లో పడింది.
- సుదీర్ఘ విరామం తర్వాత జట్టులోకి వచ్చిన శ్రేయస్ అయ్యర్.. గిల్తో జతకట్టాడు. అయ్యర్.. రెండు ఫోర్లు బాది టచ్లోకి వచ్చినట్టే కనిపించాడు. కానీ హారిస్ రౌఫ్ బౌలింగ్లో.. అయ్యర్ (14)క్యాచ్ ఔటయ్యాడు.
దెబ్బకొట్టన షహీన్..
ముందునుంచి అనుకున్నట్లుగానే పాకిస్థాన్ పేస్ సంచలనం షహీన్ అఫ్రిదీ.. భారత్ను దెబ్బకొట్టాడు. ఆరంభం నుంచే నిప్పులు చెరుగుతూ.. టీమ్ఇండియా బ్యాటర్లను ఇబ్బంది పెట్టాడు. 5 ఓవర్లో రోహిత్ ఆడుతున్న విధానాన్ని షహీన్ పసిగట్టాడు. ఆ ఓవర్లో రెండు ఔట్ స్వింగ్ బంతులేసి, తర్వాత అద్భుతమైన ఇన్ స్వింగర్తో రోహిత్ను క్లీన్బౌల్డ్ చేశాడు. ఇక వన్డౌన్లో వచ్చిన విరాట్ను ఇన్నింగ్స్ ఏడో ఓవర్లో ఔట్ చేసి టీమ్ఇండియా ఫ్యాన్స్కు షాకిచ్చాడు.
భారత జట్టు..
రోహిత్ శర్మ (కెప్టెన్), శుభ్మన్ గిల్, ఇషాన్ కిషన్(వికెట్ కీపర్) , విరాట్ కోహ్లి, శ్రేయస్ అయ్యర్, హార్దిక్ పాండ్య, రవీంద్ర జడేజా, శార్దూల్ ఠాకూర్, కుల్దీప్ యాదవ్, జస్‌ప్రీత్‌ బుమ్రా, మహ్మద్ సిరాజ్.
పాకిస్థాన్ జట్టు..
ఫఖర్ జమాన్, మహ్మద్ రిజ్వాన్ (వికెట్ కీపర్), ఇమామ్ ఉల్ హక్, బాబర్ అజామ్ (కెప్టెన్), సల్మాన్ అలీ ఆఘా, ఇఫ్తికర్ అహ్మద్, షాదాబ్ ఖాన్, మహ్మద్ నవాజ్, షాహిన్ అఫ్రిది, నసీం షా, హ్యారిస్‌ రవూఫ్.
