భారత్తో తొలి టెస్టు నాలుగో రోజు టీ విరామ సమయానికి ఇంగ్లాండ్ 5 వికెట్ల నష్టానికి 235 పరుగులు చేసింది. దీంతో 140 పరుగుల ఆధిక్యంలో ఉంది రూట్ సేన. టీమ్ఇండియా బౌలర్లలో బుమ్రా, సిరాజ్ తలో రెండు వికెట్లు తీసుకున్నారు. ప్రస్తుతం రూట్ (96*), బట్లర్ (15*) క్రీజులో ఉన్నారు.
119/2తో భోజన విరామానికి వెళ్లిన ఇంగ్లాండ్.. రెండో సెషన్లో మూడు వికెట్లను కోల్పోయింది. రూట్- సిబ్లీ జోడీ మూడో వికెట్కు 89 పరుగుల భాగస్వామ్యం నెలకొల్పింది. ప్రమాదకరంగా మారుతున్న ఈ జోడీని 135 పరుగుల వద్ద బుమ్రా విడదీశాడు. ఓ చక్కటి బంతితో సిబ్లీని పెవిలియన్ పంపాడు. అనంతరం క్రీజులోకి వచ్చిన బెయిర్ స్టో ధాటిగా ఆడే ప్రయత్నం చేశాడు. కేవలం 50 బంతుల్లోనే 30 పరుగులు చేశాడు. ఇతన్ని సిరాజ్ ఔట్ చేశాడు. తర్వాత బ్యాటింగ్కు దిగిన లారెన్స్ను ఠాకుర్ వెనక్కి పంపాడు.
