Australia Vs South Africa World Cup 2023 : 2023 వన్డే ప్రపంచకప్లో భాగంగా ఆస్ట్రేలియా - సౌతాఫ్రికా మధ్య మ్యాచ్ జరుగుతోంది. ఈ పోరుకు లఖ్నవూ క్రికెట్ స్టేడియం వేదికైంది. ఈ క్రమంలో టాస్ గెలిచిన ఆస్ట్రేలియా జట్టు కెప్టెన్ కమిన్స్ బౌలింగ్ ఎంచుకున్నాడు. అయితే గతమ్యాచ్ ఫామ్ కొనసాగిస్తూ.. మరో విజయం సాధించాలని సౌతాఫ్రికా భావిస్తోంది. ఇక మరోవైపు ఈ మ్యాచ్తోనైన గెలుపు బాటపట్టి మెగా టోర్నీలో బోణీ కొట్టాలని ఆసీస్ తహతహలాడుతోంది.
ఇరు జట్లలోనూ మార్పులు.. ఈ మ్యాచ్లో రెండు దేశాలు, తమతమ జట్లలో కీలక మార్పులు చేశాయి. సౌతాఫ్రికాలో బౌలర్ గార్లాడ్ స్థానంలో షమ్సీ జట్టులోకి వచ్చాడు. ఇక ఆసీస్ జట్టులో ఏకంగా రెండు మార్పులు చేసింది మేనేజ్మెంట్. ఆల్రౌండర్ కామెరూన్ గ్రీన్ స్థానంలో మార్కస్ స్టోయినిస్ తీసుకోగా.. వికెట్ కీపర్ అలెక్స్ క్యారీ ప్లేస్లో జోష్ ఇంగ్లిస్ను బరిలోకి దింపింది.
"పిచ్ చూడడానికి కొంచెం తేమగా ఉంది. ఇక గత మ్యాచ్లో భారత్పై మేం ఇంకొన్ని పరుగులు చేయాల్సింది. అయినప్పటికీ మా బౌలింగ్ పట్ల సంతృప్తికరంగా ఉన్నాం. సౌతాఫ్రికా ఈ టోర్నీని ఘనంగా ఆరంభించింది. వారితో ఆడడం ఎప్పుడూ సవాలుతో కూడుకున్నదే" అని ఆసీస్ కెప్టెన్ ప్యాట్ కమిన్స్ అన్నాడు.
వన్డేల్లో తొలుత బ్యాటింగ్ చేసిన సౌతాఫ్రికా.. గత ఐదింట్లో నాలుగు మ్యాచ్లు నెగ్గింది. అలాగే ఆస్ట్రేలియా గతనెల సౌతాఫ్రికా పర్యటనకు వెళ్లింది. అక్కడ ఆతిథ్య జట్టుతో ఆసీస్ మూడు టీ20, ఐదు వన్డే మ్యాచ్ల సిరీస్ ఆడింది. అయితే టీ20 సిరీస్ను ఆసీస్ క్లీన్స్వీప్ చేయగా.. వన్డే సిరీస్ను సౌతాఫ్రికా 2-3తో దక్కించుకుంది.
సౌతాఫ్రికా (తుది జట్టు): క్వింటన్ డి కాక్, టెంబా బావుమా, రాస్సీ వాన్ డెర్ డస్సెన్, ఐడెన్ మార్క్రామ్, హెన్రిచ్ క్లాసెన్, డేవిడ్ మిల్లర్, మార్కో జాన్సెన్, కేశవ్ మహరాజ్, లుంగి న్గిడి, కగిసో రబడ, తబ్రైజ్ షమ్సీ
ఆస్ట్రేలియా (తుది జట్టు): డేవిడ్ వార్నర్, మిచెల్ మార్ష్, స్టీవెన్ స్మిత్, మార్నస్ లాబుషాగ్నే, జోష్ ఇంగ్లిష్, గ్లెన్ మాక్స్‌వెల్, మార్కస్ స్టోయినిస్, పాట్ కమిన్స్, మిచెల్ స్టార్క్, ఆడమ్ జంపా, జోష్ హేజిల్‌వుడ్
