ICC Player of the Month: డిసెంబర్ నెలకు సంబంధించి 'ప్లేయర్ ఆఫ్ ది మంత్' జాబితాను ప్రకటించింది అంతర్జాతీయ క్రికెట్ మండలి. ప్రపంచవ్యాప్తంగా మెరుగైన ప్రదర్శన చేసే ఆటగాళ్లను గుర్తించి ప్రతి నెల వారికి అవార్డులను ఇస్తుంటుంది ఐసీసీ. అందులో భాగంగానే డిసెంబర్ నెల కోసం టాప్ ఆటగాళ్ల పేర్లను వెల్లడించింది.
పురుషుల కేటగిరీలో టీమ్ఇండియా ఓపెనర్ మయాంక్ అగర్వాల్, ఆస్ట్రేలియా పేసర్ మిచెల్ స్టార్క్, న్యూజిలాండ్ స్పిన్నర్ అజాజ్ పటేల్ పేర్లను నామినేట్ చేసింది ఐసీసీ.
టీమ్ఇండియాలో రోహిత్ శర్మ, శుభ్మన్ గిల్, కేఎల్ రాహుల్ కొన్ని మ్యాచ్లకు దూరమయ్యారు. ఈ నేపథ్యంలో తనకు వచ్చిన అవకాశాన్ని సద్వినియోగం చేసుకున్నాడు మయాంక్. న్యూజిలాండ్, సౌతాఫ్రికాతో టెస్టు సిరీస్లో మెరుగైన ప్రదర్శన చేశాడు. రెండు మ్యాచ్ల్లోనే 276 పరుగులు చేశాడు.
భారత్-న్యూజిలాండ్ టెస్టు సిరీస్లో భాగంగా కివీస్ యువ స్పిన్నర్ అజాజ్ పటేల్ చరిత్ర సృష్టించాడు. ఓ ఇన్నింగ్స్లో పదివికెట్లు పడగొట్టిన మూడో క్రికెటర్గా నిలిచాడు.
కాగా, మిచెల్ స్టార్క్.. యాషెస్ సిరీస్లో భాగంగా అటు బంతితో ఇటు బ్యాట్తో రాణిస్తున్నాడు. ఇంగ్లాండ్పై ఆసీస్ టెస్టు సిరీస్ నెగ్గడంలో కీలక పాత్ర పోషించాడు.
ఇదీ చదవండి:
ఐసీసీ ప్లేయర్ 'ఆఫ్ ది మంత్' రేసులో వీరే!
