ICC ODI Mens Ranking 2023 : అంతర్జాతీయ క్రికెట్ కౌన్సిల్ బుధవారం విడుదల చేసిన వన్డే ర్యాంకింగ్స్లో టీమ్ఇండియా కెప్టెన్ రోహిత్ శర్మ టాప్ 10లోకి దూసుకొచ్చాడు. ఏకంగా ఐదు స్థానాలు ఎగబాకి.. 719 రేటింగ్స్తో ప్రస్తుతం ఆరో స్థానంలో కొనసాగుతున్నాడు. స్టార్ బ్యాటర్ విరాట్ కోహ్లీ.. 711 రేటింగ్స్తో తొమ్మిదో స్థానంలో ఉన్నాడు. ఇక పాకిస్థాన్ కెప్టెన్ బాబర్ అజామ్ 836 రేటింగ్స్తో టాప్లో ఉండగా.. టీమ్ఇండియా ఓపెనర్ శుభ్మన్ గిల్ 818 రేటింగ్స్తో రెండో స్థానంలో కొనసాగుతున్నాడు.
ప్రస్తుతం జరుగుతున్న ప్రపంచకప్లో వరుసగా రెండు సెంచరీలు సాధించిన.. సౌతాఫ్రికా వికెట్ కీపర్ క్వింటన్ డికాక్ ఒక స్థానం మెరుగుపర్చుకొని 742 రేటింగ్స్తో మూడో ప్లేస్ దక్కించుకున్నాడు. అఫ్గానిస్థాన్ ఓపెనర్ రహ్మానుల్లా గుర్బాజ్ ఏకంగా 19 స్థానాలు మెరుగుపర్చుకొని 18వ స్థానం దక్కించుకున్నాడు. మరోవైపు నెదర్లాండ్స్ కెప్టెన్ స్కాట్ ఎడ్వర్డ్స్ 16 స్థానాలు ఎగబాకి 27 ప్లేస్లో కొనసాగుతున్నాడు.
టాప్ 5లో స్థానాల్లో ఉన్న బ్యాటర్లు..
- బాబర్ ఆజామ్ (పాకిస్థాన్) - 836 రేటింగ్స్
- శుభ్మన్ గిల్ (భారత్) - 818 రేటింగ్స్
- క్వింటన్ డి కాక్ ( సౌతాఫ్రికా) - 742 రేటింగ్స్
- రస్సీ వాన్ డర్ డస్సెన్ (సౌతాఫ్రికా) - 732 రేటింగ్స్
- హ్యారీ టెక్టార్ (ఐర్లాండ్) - 729 రేటింగ్స్
ఇక బౌలింగ్ విభాగంలో ఆస్ట్రేలియా పేసర్ జోష్ హజెల్వుడ్ 660 రేటింగ్స్తో టాప్లో ఉండగా.. న్యూజిలాండ్ బౌలర్ ట్రెంట్ బౌల్ట్ ఒక పాయింట్ తేడాతో 659 రేటింగ్స్తో రెండో స్థానంలో కొనసాగుతున్నాడు. అతడు వరల్డ్కప్లో బంగ్లాందేశ్పై 2/45తో మెరిశాడు. దీంతో బోల్ట్ వన్డే కెరీర్లో 200 వికెట్ల మైలురాయి అందుకున్నాడు. టీమ్ఇండియా నుంచి సిరాజ్ 3వ (656 రేటింగ్స్), కుల్దీప్ యాదవ్ 8వ (641 రేటింగ్స్) టాప్ 10లో ఉన్నారు. స్టార్ పేసర్ జస్ప్రీత్ బుమ్రా ఏడు స్థానాలు మెరుగుపర్చుకొని 606 రేటింగ్స్తో.. సౌతాఫ్రికా బౌలర్ రబాడ (606 రేటింగ్స్) తో కలిసి 14వ స్థానంలో కొనసాగుతున్నాడు.
టాప్ 5లో స్థానాల్లో ఉన్న బౌలర్లు..
- జోష్ హజెల్వుడ్ (ఆస్ట్రేలియా) - 660 రేటింగ్స్
- ట్రెంట్ బోల్ట్ ( న్యూజిలాండ్) - 659 రేటింగ్స్
- మహమ్మద్ సిరాజ్ ( భారత్ ) - 656 రేటింగ్స్
- రశీద్ ఖాన్ (అఫ్గానిస్థాన్) - 654 రేటింగ్స్
- ముజీబ్ అర్ రహ్మాన్ (అఫ్గానిస్థాన్) - 644 రేటింగ్స్
Team India ODI Ranking 2023 : టీమ్ఇండియా.. క్రికెట్ చరిత్రలోనే అరుదైన ఫీట్.. నెం.1గా ఘనత
నిరాశపరిచినా నెం.1 ప్లేస్లోనే సూర్య.. మరి కోహ్లీ ఎన్నో స్థానంలో అంటే?
