ఐసీసీ.. పురుషుల లేటెస్ట్ ర్యాంకింగ్స్ను బుధవారం విడుదల చేసింది. ఇందులో పాకిస్థాన్ కెప్టెన్ బాబర్ ఆజామ్(Babar Azam).. తన అగ్రస్థానాన్ని కాపాడుకున్నాడు. వన్డే బ్యాట్స్మన్ విభాగంలో బాబర్ 865 పాయింట్లతో తొలి ర్యాంకులో నిలవగా.. విరాట్(2), రోహిత్ శర్మ(3) స్థానాల్లోనూ ఏ మార్పు లేదు.
బౌలింగ్ విభాగంలో టీమ్ఇండియా పేస్గుర్రం జస్ప్రిత్ బుమ్రా ఆరో స్థానంలో కొనసాగుతున్నాడు. వరుసగా తొలి రెండు ట్రెంట్ బౌల్ట్(న్యూజిలాండ్, 737 పాయింట్లు), మెహెది హాసన్(బంగ్లాదేశ్, 713) ఉన్నారు.
ఆల్రౌండర్ విభాగంలో రవీంద్ర జడేజా(టీమ్ఇండియా, 245పాయింట్లు) తొమ్మిదో ర్యాంకులో ఉండగా.. బెన్స్టోక్స్(ఇంగ్లాండ్, 286) నాలుగో స్థానానికి పడిపోయాడు. షకీబ్ అల్ హసన్(బంగ్లాదేశ్, 387), మహ్మద్ నబి(అఫ్ఘానిస్థాన్, 294) వరుసగా తొలి రెండు ర్యాంకుల్లో నిలిచారు. ఇంగ్లాండ్ ఆల్రౌండర్ క్రిస్ వోక్స్(3) కెరీర్ బెస్ట్ ర్యాంక్ను సొంతం చేసుకున్నాడు.
టీ20ర్యాంకింగ్స్
టాప్-10లో టీమ్ఇండియా ప్లేయర్స్ ఇద్దరికి మాత్రమే చోటు లభించింది. విరాట్ కోహ్లీ(762పాయింట్లు), రాహుల్(743) ఐదు, ఆరు ర్యాంకుల్లో నిలవగా.. ఇంగ్లాండ్ క్రికెటర్ డేవిడ్ మలన్(888 పాయింట్లు) అగ్రస్థానాన్ని దక్కించుకున్నాడు. బౌలింగ్, ఆల్రౌండర్ విభాగంలో భారత ఆటగాళ్లు ర్యాంకును ద్కకించుకోలేకపోయారు.
ఇదీ చూడండి: ICC Rankings: అగ్రస్థానంలో మిథాలీ, షెఫాలీ
