KL Rahul on Test Captaincy: టీమ్ఇండియా టెస్ట్ జట్టు సారథిగా విరాట్ కోహ్లీ తప్పుకున్న నేపథ్యంలో కెప్టెన్సీ రేసులో రోహిత్ శర్మ, పంత్, బూమ్రాతో కేఎల్ రాహుల్ పేరు కూడా వినిపిస్తోంది. ఈ విషయంపై స్పందించిన కేఎల్ రాహుల్.. తనకు టెస్ట్ కెప్టెన్సీ అప్పగిస్తే అది చాలా పెద్ద బాధ్యతగా భావిస్తానని పేర్కొన్నాడు.
"టెస్టు జట్టు సారథిగా రేసులో ఉన్నట్లు తెలిసే వరకు నాకు అసలు కెప్టెన్సీపై ఆలోచనే లేదు. ఇదివరకే నేను జోహన్నెస్బర్గ్లో జరిగిన టెస్టుకు అనుకోకుండా సారథ్యం వహించే అవకాశం వచ్చింది. మ్యాచ్ ఫలితం పక్కన పెడితే.. అది నాకు చాలా ప్రత్యేకం. టీమ్ఇండియాకు కెప్టెన్సీ చేయడం గర్వంగా భావిస్తాను."
-కేఎల్ రాహుల్
ఆ నమ్మకాన్ని కోహ్లీ కలిగించాడు..
టీమ్ఇండియా మాజీ కెప్టెన్ విరాట్ కోహ్లీపై ఆసక్తికర వ్యాఖ్యలు చేశాడు కేఎల్ రాహుల్. కోహ్లీ సారథ్యంలో టీమ్ఇండియా అసాధారణ ప్రదర్శన చేసిందన్నాడు. విదేశీ గడ్డపై జరిగే సిరీస్లో జట్టుకు విజయాన్ని అందించడం సహా జట్టు స్థాయిని పెంచాడని తెలిపాడు. విరాట్ నాయకత్వం చాలా ప్రత్యేకమైనదని.. జట్టు సభ్యులకు అద్భుతాలు సాధించొచ్చనే నమ్మకాన్ని కలిగించాడని తెలిపాడు.
ప్రస్తుతం కేఎల్ రాహుల్ దక్షిణాఫ్రికాతో జరగనున్న వన్డే సిరీస్కు సారథిగా వ్యవహరించనున్నాడు.
ఇదీ చూడండి : సఫారీలతో సమరానికి టీమ్ఇండియా సై .. అందరి కళ్లూ కోహ్లీపైనే
