భారత్xసౌతాఫ్రికా టెస్ట్​ సిరీస్- పరుగుల వరద పారించిన బ్యాటర్లు- టీమ్ఇండియాలో విరాట్ ఒక్కడే!

Highest Run Scorers Ind vs Sa Test Series : భారత్- సౌతాఫ్రికా టెస్టు సిరీస్​లో క్రికెట్ దిగ్గజం సచిన్ తెందూల్కర్ అత్యధిక పరుగులు నమోదు చేశాడు. ఈ క్రమంలో రెండు జట్ల మధ్య జరిగిన పోరులో ఆల్​టైమ్ హైయెస్ట్ రన్​ స్కోరర్లు ఎవరో చూసేయండి.​

Highest Run Scorers Ind vs Sa Test Series : సౌతాఫ్రికాతో టెస్టు సిరీస్ ఆడేందుకు భారత్ సిద్ధమైంది. మంగళవారం (డిసెంబర్ 26న) సెంచూరియన్ సూపర్​స్పోర్ట్స్​ పార్క్ వేదికగా తొలి టెస్టు జరగనుంది. ఇప్పటివరకూ భారత్- సౌతాఫ్రికా మధ్య 42 టెస్టులు జరిగాయి. అందులో భారత్ 15 టెస్టుల్లో నెగ్గి, 17 మ్యాచ్​ల్లో ఓడింది. మిగతా 10 మ్యాచ్‌లు డ్రా గా ముగిశాయి. ఇక సఫారీ గడ్డపై 23 టెస్టులాడిన టీమ్‌ఇండియా కేవలం 4 మ్యాచ్‌ల్లోనే విజయం సాధించింది. 12 మ్యాచ్‌ల్లో ఓడి, 7 మ్యాచ్‌లు డ్రా చేసుకుంది. అయితే ఇప్పటివరకూ జరిగిన ఈ మ్యాచ్​ల్లో ఇరుజట్లులలో కలిపి అత్యధిక పరుగులు సాధించిన బ్యాటర్లెవరో తెలుసుకుందాం.

1. సచిన్ తెందూల్కర్ : క్రికెట్ దిగ్గజం సచిన్ తెందూల్కర్ భారత్- సౌతాఫ్రికా టెస్టు సిరీస్​ల్లో అత్యధిక పరుగులు సాధించిన బ్యాటర్​గా నిలిచాడు. సౌతాఫ్రికాతో 25 టెస్టు మ్యాచ్​లు ఆడిన సచిన్ 1741 పరుగులు చేసి ఆల్​టైమ్ టాప్​ స్కోరర్​గా కొనసాగుతున్నాడు.
2. జాక్ కలీస్ : సౌతాఫ్రికా వెటరన్ ప్లేయర్ జాక్​ కలీస్ ఈ లిస్ట్​లో రెండో స్థానంలో ఉన్నాడు. అతడు 1734 పరుగులు సాధించాడు. ఈ క్రమంలో సచిన్ తర్వాత అత్యధిక పరుగులు చేసిన ఆటగాళ్లలో కలీస్ రెండో ప్లేస్​లో నిలిచాడు.
3. హషీమ్ ఆమ్లా : సౌతాఫ్రికా మాజీ బ్యాటర్ హషీమ్ ఆమ్లా భారత్- సౌతాఫ్రికా టెస్టు మ్యాచ్​ల్లో నిలకడగా రాణించాడు. 21 మ్యాచ్​లు ఆడిన ఆమ్లా 43.65 సగటుతో 1528 పరుగులు బాదాడు.
4. ఏబీ డివిలియర్స్ : 360 డిగ్రీల ఆటగాడు ఏబీ డివిలియర్స్ ఈ లిస్ట్​లో నాలుగో స్థానంలో ఉన్నాడు. భారత్​తో 20 టెస్టులు ఆడిన ఏబీ డివిలియర్స్ 1334 పరుగులు చేశాడు.
5. వీరేంద్ర సేహ్వాగ్ : టీమ్ఇండియా డాషింగ్ ఓపెనర్ వీరేంద్ర సేహ్వాగ్ సౌతాఫ్రితా టెస్టుల్లోనూ ఘనమైన రికార్డులు నెలకొల్పాడు. అతడు సఫారీలతో 15 టెస్టుల్లో ఆడాడు. అందులో 1306 పరుగులు నమోదు చేశాడు.
6. రాహుల్ ద్రవిడ్ : టీమ్ఇండియా ప్రస్తుత హెడ్ కోచ్ రాహుల్ ద్రవిడ్ సౌతాఫ్రికాతో 21 టెస్టు మ్యాచ్​లు ఆడాడు. అందులో రాహుల్ 1252 పరుగులు సాధించాడు. దీంతో అత్యధిక పరుగుల జాబితాలో రాహుల్ ఆరో స్థానంలో ఉన్నాడు.
7. విరాట్ కోహ్లీ : స్టార్ బ్యాటర్ విరాట్ కోహ్లీ ఒక్కడే ప్రస్తుత టీమ్ఇండియా నుంచి ఈ లిస్ట్​లో ఉన్నాడు. విరాట్ సౌతాఫ్రికాతో 14 టెస్టు మ్యాచ్​ల్లో ఆడాడు. అందరికంటే అత్యధిక సగటు (56.18)తో 1236 పరుగులు సాధించాడు.

• #TeamIndia bowlers are all set and raring to go 🔥#SAvIND pic.twitter.com/29eJMskeTA

  — BCCI (@BCCI) December 25, 2023 " class="align-text-top noRightClick twitterSection" data="

  #TeamIndia bowlers are all set and raring to go 🔥#SAvIND pic.twitter.com/29eJMskeTA

  — BCCI (@BCCI) December 25, 2023

  ">

  #TeamIndia bowlers are all set and raring to go 🔥#SAvIND pic.twitter.com/29eJMskeTA

  — BCCI (@BCCI) December 25, 2023