గతేడాది డిసెంబర్లో జరిగిన రోడ్డు ప్రమాదంలో గాయలపాలైన టీమ్ఇండియా స్టార్ క్రికెటర్ రిషభ్ పంత్.. ప్రస్తుతం చికిత్స పొందుతూ వైద్యుల పర్యవేక్షణలో ఉన్నాడు. శస్త్రచికిత్స అనంతరం బెడ్కే పరిమితమైన పంత్ ఆ తర్వాత కొద్ది కొద్దిగా కోలుకోవడం ప్రారంభించాడు. స్టిక్ సహాయంతో ఇప్పుడిప్పుడే నడవడం కూడా మొదలుపెట్టాడు. అతడి ఆరోగ్యం గురించి ఆందోళన చెందుతున్న అభిమానుల కోసం తన ప్రస్తుత ఆరోగ్య పరిస్థితిని సామాజిక మాధ్యమాల ద్వారా ఎప్పటికప్పుడు తెలియజేస్తుంటాడు. అయితే తాజాగా పంత్ను.. మాజీ క్రికెటర్ యువ్ రాజ్ సింగ్ను కలిశాడు.
ఈ క్రమంలో పంత్ను పరామర్శించిన యువీ.. అతడితో కాసేపు ముచ్చటించాడు. "ఇప్పుడిప్పుడే అడుగులు వేయడం మొదలుపెట్టాడు. ఈ ఛాంపియన్ మరోసారి తన సత్తా చాటేందుకు సిద్ధమవుతున్నాడు" అంటూ రిషభ్ పంత్‌తో దిగిన లేటెస్ట్ ఫొటోను సామాజిక మాధ్యమాల్లో పంచుకున్నాడు. ఈ క్రమంలో రిషబ్ ఆత్మవిశ్వాసాన్ని చూసి మురిసిపోయిన యువీ.. రిషభ్ ఎల్లప్పుడూ సరదాగా ఉంటాడని, నెగిటివ్ ఆలోచనలు దరిచేరనీయడంటూ కొనియాడాడు. త్వరగా కోలుకుని తిరిగి మునపటిలా మారాలని ఆకాంక్షించాడు. ప్రస్తుతం ఈ ఫొటో నెట్టింట తెగ వైరలవుతోంది.
- " class="align-text-top noRightClick twitterSection" data="
">
గాయాల కారణంగా రిషభ్ పంత్ పలు సిరీస్‌లతో పాటు ఐపీఎల్‌-2023 సీజన్కు దూరమయ్యాడు. దీంతో ఆస్ట్రేలియాతో జరిగిన బోర్డర్‌- గావస్కర్‌ ట్రోఫీ సిరీస్ కోసం అతడి స్థానంలో టీమ్ఇండియా తరఫున ఆడేందుకు ఆంధ్ర వికెట్‌ కీపర్‌ కేఎస్‌ భరత్ను రంగంలోకి దింపారు. ఇక ఐపీఎల్‌లో ప్రమాదానికి ముందు దిల్లీ క్యాపిటల్స్కు పంత్ సారథ్యం వహిస్తుండగా.. అతని స్థానంలో ఇప్పుడు ఆస్ట్రేలియా క్రికెటర్ డేవిడ్‌ వార్నర్‌ కెప్టెన్ బాధ్యతలు స్వీకరించాడు. మరోవైపు రానున్న వన్డే ప్రపంచకప్కు కూడా పంత్ అందుబాటులోకి వచ్చే అవకాశం లేనట్లు కనిపిస్తోంది. అయితే ఐసీసీ తాజాగా ప్రకటించిన టెస్ట్ బ్యాటర్ల ర్యాంకింగ్స్లో తన స్థానాన్ని సుస్థిరం చేసుకున్నాడు రిషభ్ పంత్. ప్రస్తుత ర్యాంకింగ్స్లో అతడు తొమ్మిదో స్థానంలో కొనసాగుతున్నాడు.
స్విమ్మింగ్ పూల్లో వాకింగ్ చేస్తూ..
రోడ్డు ప్రమాదం తర్వాత నెమ్మదిగా కోలుకుంటున్న పంత్.. తన అభిమానుల కోసం వాకింగ్ స్టిక్ పట్టుకుని నడుస్తున్న ఫొటోలను ఇన్స్టాలో షేర్ చేశాడు. తాజాగా మరో వీడియోను కూడా షేర్ చేశాడు. దాని కింద ఓ ఎమెషనల్ నోట్ రాసుకొచ్చాడు. అందులో నిండా నీళ్లు ఉన్న స్విమ్మింగ్ పూల్లో స్టిక్ సాయంతో నడుస్తూ కనిపించాడు. దీనిపై అభిమానులతో పాటు సినీ రాజకీయ ప్రముఖలు స్పందించారు. ఈ అప్డేట్స్ను చూసిన ఫ్యాన్స్కు కాస్త ఊరట లభించినప్పటికీ.. అతను త్వరగా కోలుకుని మళ్లీ మైదానంలోకి అడుగుపెట్టాలని ప్రార్థిస్తున్నారు.
- " class="align-text-top noRightClick twitterSection" data="
">
