లార్డ్స్ టెస్టులో ఇంగ్లాండ్ కెప్టెన్ జో రూట్ భారీ సెంచరీతో (180; 321 బంతుల్లో) అత్యుత్తమ ప్రదర్శన చేశాడు. దీంతో ఆ జట్టుకు 27 పరుగుల స్వల్ప ఆధిక్యం లభించింది. తొలి ఇన్నింగ్స్లో ఆ జట్టు 391 పరుగులకు ఆలౌటైంది. రూట్ ఇన్నింగ్స్కు తోడు బెయిర్ స్టో (57; 107 బంతుల్లో), రోరీ బర్న్స్ (49; 136 బంతుల్లో) రాణించారు. టీమ్ఇండియా బౌలర్లలో సిరాజ్ 4, ఇషాంత్ శర్మ 3, షమీ 2 వికెట్లతో రాణించారు.
314/5తో టీ విరామానికి వెళ్లిన ఇంగ్లాండ్ చివరి సెషన్లో క్రమం తప్పకుండా వికెట్లను కోల్పోయింది. మొయిన్ అలీ- రూట్ జోడీ ఆరో వికెట్కు 58 పరుగుల భాగస్వామ్యం నమోదు చేసింది. ప్రమాదకరంగా మారుతున్న ఈ జంటను ఇషాంత్ శర్మ విడదీశాడు. అనంతరం క్రీజులోకి వచ్చిన సామ్ కరన్ను మరుసటి బంతికే పెవిలియన్ పంపాడు ఇషాంత్. మరికాసేపటికే రాబిన్సన్ను వికెట్ల ముందు దొరకబుచ్చుకున్నాడు సిరాజ్.
