ఇంగ్లాండ్ పర్యటనలో విజయవంతం కావాలంటే తనకు సీనియర్ల సలహాలు తప్పనిసరి అని తెలిపాడు కివీస్ యువ ఆల్రౌండర్ కైల్ జేమిసన్. ఇంగ్లాండ్లో తొలిసారి పర్యటిస్తున్న కైల్.. ట్రెంట్ బౌల్ట్, టిమ్ సౌథీ, నెయిల్ వాగ్నర్, బ్రాస్వెల్ వంటి బౌలర్ల నుంచి అనుభవాలను పంచుకోవాలని భావిస్తున్నాడు.
"టిమ్, వాగ్స్, బ్రాస్వెల్, హెన్రీ వంటి సీనియర్ బౌలర్ల సలహాలు ఉపయోగపడతాయని అనుకుంటున్నాను. వీరికి ఇంగ్లాండ్లో ఆడిన అనుభవం ఉంది. ఇక్కడి పిచ్లు, వాతావరణ పరిస్థితుల పట్ల వారికి అపారమైన అనుభవం ఉంది. డ్యూక్స్ బంతులతో ఎలా బంతులేయాలి.. అనే విషయాలను త్వరలోనే వారి నుంచి నేర్చుకుంటాను."
-కైల్ జేమీసన్, న్యూజిలాండ్ ఆల్రౌండర్.
యూకే వేదికగా ఇంగ్లాండ్తో రెండు టెస్టుల సిరీస్ అనంతరం టీమ్ఇండియాతో డబ్ల్యూటీసీ ఫైనల్లో జేమీసన్ కివీస్కు ఆడనున్నాడు. డ్యూక్ బంతితో బౌలింగ్ సవాలేనా అనే ప్రశ్నపై కైల్ స్పందించాడు. "అది కచ్చితంగా కాస్త వేరుగా ఉంటుంది. బంతి సీమ్ విషయానికొస్తే కొంత తేడా చూపిస్తుంది. డ్యూక్స్ బంతుల గురించి అతిగా భయపడిన దానికంటే.. రాబోయే రోజుల్లో దానికి సంబంధించి చర్చిస్తే సరిపోతుంది" అని కైల్ పేర్కొన్నాడు.
ఇదీ చదవండి: ఐపీఎల్ రీషెడ్యూల్కు ఆసీస్ ప్లేయర్లు దూరం!
