Surya kumar yadav record: ఇంగ్లాండ్‌తో ఉత్కంఠభరితంగా జరిగిన మూడో టీ20లో టీమ్ఇండియా ఓడిపోయినప్పటికీ.. సూర్యకుమార్ యాదవ్ మాత్రం అద్భుత శతకంతో మెరిశాడు. అతడు పోరాడిన తీరు క్రికెట్ అభిమానులను ఆకట్టుకుంది. 216 పరుగుల ఛేజింగ్‌లో 31 పరుగులకే 3 వికెట్లు కోల్పోయినా ఏమాత్రం బెదరకుండా కేవలం 48 బంతుల్లోనే సెంచరీ(117) చేశాడు. ఈ క్రమంలోనే అతడు టీ20ల్లో సెంచరీ చేసిన ఐదో ఇండియన్ బ్యాటర్‌గా నిలిచాడు. రోహిత్, రైనా, రాహుల్, దీపక్‌ హూడా తర్వాత సూర్య ఈ ఘనత సాధించాడు.
దీంతోపాటే టీ20ల్లో అత్యధిక వ్యక్తిగత స్కోరు సాధించిన రెండో భారత బ్యాటర్గానూ నిలిచాడు. అంతకుముందు రోహిత్ 119 స్కోరు చేసి తొలి స్థానంలో ఉన్నాడు. అలానే కేఎల్ రాహుల్(46బంతుల్లో) తర్వాత 100 పరుగలను అత్యంత వేగంగా(48 బంతుల్లో) చేసిన రెండో ఇండియన్ బ్యాటర్గానూ ఘనత సాధించాడు. ఈ ఇన్నింగ్స్తో సూర్యకుమార్ టీ20 వరల్డ్కప్లో తన స్థానాన్ని మరింత సుస్థిరం చేసుకున్నాడు. ముఖ్యంగా రోహిత్, కోహ్లీ లాంటి సీనియర్లు విఫలమవుతున్న సమయంలో సూర్య చెలరేగుతూ టీమ్ఇండియాలో ఆశలు రేపుతున్నారు.
ఇదీ చూడండి: కపిల్దేవ్కు రోహిత్ కౌంటర్.. కోహ్లీ గురించి మీకేం తెలుసంటూ...
