టీమ్ఇండియా యువ వికెట్కీపర్ రిషభ్ పంత్ ఆట గురించి ప్రశంసించాడు ఇంగ్లాండ్ బౌలర్ టైమల్ మిల్స్. అతడు బ్యాటింగ్ కోసమే తాను టెస్టులు చూస్తున్నానని అన్నాడు. త్వరలో ఇంగ్లాండ్ గడ్డపై ఆ దేశంతో భారత్ ఐదు టెస్టుల ఆడనున్న సందర్భంగా ఈ వ్యాఖ్యలు చేశాడు.
"పరిమిత ఓవర్ల క్రికెట్ నేను ఎక్కువగా ఆడతాను. గాయాలవడం వల్ల టెస్టుల్లో ఆడలేకపోయాను. ఆ మ్యాచ్ల్ని కూడా ఎప్పుడు చూడను. అయితే పంత్ బ్యాటింగ్ చేస్తుంటే మాత్రం టెస్టుల్ని చూసేందుకు ఇష్టపడతాను. అతడు ఎన్నో అద్భుత ఇన్నింగ్స్లు ఆడాడు కదా" అని మిల్స్ తెలిపాడు.
భారత్-ఇంగ్లాండ్ మధ్య ఆగస్టు 4 నుంచి సెప్టెంబరు 14 వరకు ఐదు టెస్టులు జరగనున్నాయి. అంతకంటే ముందు జూన్ 18న సౌతాంఫ్టన్ వేదికగా న్యూజిలాండ్తో ప్రపంచ టెస్టు ఛాంపియన్షిప్ ఫైనల్ ఆడనుంది కోహ్లీసేన.
ఇది చదవండి: IND VS ENG: భారత్తో తొలి టెస్టుకు ఆర్చర్ కష్టమే!
