తనకు ఇతరుల బుర్రలు చదివే అవకాశం వస్తే టీమ్ఇండియా మాజీ కెప్టెన్‌ మహేంద్రసింగ్‌ ధోనీపై ఆ అస్త్రాన్ని సంధిస్తానని అంటున్నాడు వికెట్ కీపర్, బ్యాట్స్‌మన్‌ దినేశ్ కార్తీక్‌. ఇటీవల భారత టీ20 లీగ్‌ 15వ సీజన్‌లో బెంగళూరు తరఫున మెరిసిన అతడు తిరిగి జాతీయ జట్టులోకి వచ్చిన సంగతి తెలిసిందే. ఈ నేపథ్యంలోనే దక్షిణఫ్రికాతో రెండో టీ20కి ముందు బీసీసీఐ విడుదల చేసిన ఓ వీడియోలో మాట్లాడాడు. డీకేని పలు ప్రశ్నలు అడగ్గా.. ఇలా సరదాగా సమాధానాలిచ్చాడు.
ప్రశ్న: జట్టుతో డిన్నర్‌ చేయడం ఇష్టమా? సినిమాకు వెళ్లడం ఇష్టమా?
డీకే: టీమ్‌ డిన్నర్‌ అంటేనే చాలా ఇష్టం. ఆటగాళ్లతో భోజనం చేయడం బాగుంటుంది.
ప్రశ్న: టీ ఇష్టమా? కాఫీ ఇష్టమా?
డీకే: టీ ఇష్టం. భారత దేశంలో ఏ మూలకెళ్లినా దొరుకుతుంది.
ప్రశ్న: ఏదైనా పార్టీలో పాడటం ఇష్టమా? లేక డాన్స్‌ చేయడం ఇష్టమా?
డీకే: ఇది చాలా కష్టమైన ప్రశ్న. నేను రెండింటిలో ఏదీ చేయలేను.
ప్రశ్న: పర్వత ప్రాంతాలా? బీచ్‌లా?
డీకే: పర్వత ప్రాంతాలే ఇష్టం. నేను ఎక్కడ హిల్‌స్టేషన్‌కు వెళ్లినా.. అక్కడ ప్రశాంతమైన వాతావరణం ఉంటుంది.
ప్రశ్న: వంట చేయడమా? ఇంటిని శుభ్రంగా ఉంచుకోవడమా?
డీకే: ఇంటిని శుభ్రం చేయడానికే ప్రాధాన్యతనిస్తా. శుభ్రంగా ఉండటం ఇష్టం.
ప్రశ్న: మీకు ఎగిరిపోవడం ఇష్టమా? లేక ఎవరిదైనా బుర్ర చదవడం ఇష్టమా?
డీకే: నాకు ఎగిరిపోయే అవకాశం వస్తే అలస్కా (అమెరికా) వెళ్లిపోతా. ఆ ప్రాంతం గురించి చాలా విషయాలు విన్నాను. అదే ఇతరుల బుర్ర చదివే అవకాశం వస్తే ధోనీ మైండ్‌ను చదివేస్తా.
ప్రశ్న: క్రిస్టియానో రొనాల్డో ఇష్టమా? లియోనెల్‌ మెస్సీనా?
డీకే: మెస్సీ అంటే చాలా ఇష్టం. అతడి ఆటను చూడటం మహా ఇష్టం.
ప్రశ్న: రోజర్‌ ఫెదరర్‌?రఫెల్‌ నాదల్‌?
డీకే: ఫెదరర్‌
ప్రశ్న: ఇన్‌స్టాగ్రామ్‌ లేదా ట్విటర్.. ఏది ఎక్కువ ఇష్టపడతారు?
డీకే: ట్విటర్‌కే ఓటేస్తా.
ప్రశ్న: ఫోన్‌ లేకుండా ఒకరోజు ఉంటారా? లేక వ్యాయామం చేయకుండా ఉంటారా?
డీకే: ఫోన్‌ లేకుండా ఉండటమే నాకు తేలికైన పని. దానికి అంతగా బానిస కాలేదు.
ప్రశ్న: లంబోర్గిని కారు ఇష్టమా లేక మస్టాంగ్‌ కారు ఇష్టమా?
డీకే: నాకు లంబోర్గిని అంటేనే ఇష్టం. దాని నుంచి వచ్చే శబ్దం బాగుంటుంది.
ప్రశ్న: నీ జీవితం మీద పుస్తకం రాయడం ఇష్టమా? సినిమా తీయడం ఇష్టమా?
డీకే: సినిమా అయితే బాగుంటుంది.
-
Mountain ⛰️ or Beach 🏖️
— BCCI (@BCCI) June 12, 2022 " class="align-text-top noRightClick twitterSection" data="
Federer or Nadal 🤔
Tea 🫖 or Coffee ☕️
𝗧𝗵𝗶𝘀 𝗢𝗥 𝗧𝗵𝗮𝘁 - Do not miss this fun segment with @DineshKarthik! 😎 😎 #TeamIndia | #INDvSA | @Paytm pic.twitter.com/QHCsiLsLLq
">Mountain ⛰️ or Beach 🏖️
— BCCI (@BCCI) June 12, 2022
Federer or Nadal 🤔
Tea 🫖 or Coffee ☕️
𝗧𝗵𝗶𝘀 𝗢𝗥 𝗧𝗵𝗮𝘁 - Do not miss this fun segment with @DineshKarthik! 😎 😎 #TeamIndia | #INDvSA | @Paytm pic.twitter.com/QHCsiLsLLqMountain ⛰️ or Beach 🏖️
— BCCI (@BCCI) June 12, 2022
Federer or Nadal 🤔
Tea 🫖 or Coffee ☕️
𝗧𝗵𝗶𝘀 𝗢𝗥 𝗧𝗵𝗮𝘁 - Do not miss this fun segment with @DineshKarthik! 😎 😎 #TeamIndia | #INDvSA | @Paytm pic.twitter.com/QHCsiLsLLq
ఇదీ చూడండి : 'ఉమ్రాన్‌ మాలిక్‌కు టీ20 ప్రపంచకప్లో ఛాన్స్ ఇవ్వొద్దు'
