ఈ ఐపీఎల్ సీజన్ అర్ధాంతరంగా వాయిదా పడింది. దీంతో తన ఇన్స్టా ఖాతాలో ఓ పోస్ట్ షేర్ చేశాడు సన్రైజర్స్ హైదరాబాద్ క్రికెటర్ డేవిడ్ వార్నర్. ఇందులో ఉన్న ఫొటో నెటిజన్ల మనసుకు హత్తుకుంటోంది. అది వేసింది ఎవరో కాదు. వార్నర్ కూతురు ఇవీ. ఈ ఫొటో కాస్త ప్రస్తుతం నెట్టింట వైరల్గా మారింది.
ఈ ఫొటోలో వార్నర్ కూతురు.. ఆమెతో పాటు సోదరీమణులు, తండ్రి వార్నర్, తల్లి క్యాండిస్ చిత్రాలను పేపర్పై ముద్దుగా చిత్రీకరించింది. ఈ ఫొటో కింద "ప్లీజ్ డాడీ ఇంటికి తొందరగా రండి. మేము మిమ్మల్ని చాలా మిస్ అవుతున్నాం. ప్రేమతో ఇవీ, ఇండి, ఇస్లా" అని రాసుకొచ్చింది.
- " class="align-text-top noRightClick twitterSection" data="
">
టోర్నీ వాయిదా కంటే ముందు వార్నర్ను కెప్టెన్సీ నుంచి తప్పించింది సన్రైజర్స్ హైదరాబాద్. అలాగే రాజస్థాన్ రాయల్స్తో జరిగిన మ్యాచ్లో తుదిజట్టులో చోటు ఇవ్వలేదు. తర్వాత మ్యాచ్ల్లోనూ వార్నర్ ఆడేది అనుమానమే అని సన్రైజర్స్ కోచ్ ట్రెవర్ బెయిలిస్ తెలిపాడు. దీనిపై అభిమానులు ఆగ్రహం వ్యక్తం చేస్తున్నారు. జట్టుకు ఎంతో సేవ చేసిన ఆటగాడిని తొలగించడమేంటని ప్రశ్నిస్తున్నారు.
ప్రస్తుతం ఐపీఎల్ వాయిదా పడటం వల్ల ఆస్ట్రేలియా ఆటగాళ్లను వారి ఇళ్లకు పంపించేందుకు ప్రయత్నాలు చేస్తోంది బీసీసీఐ. అయితే వారు ఇప్పుడే వారి దేశానికి వెళ్లే వీలు లేదు. ఎందుకంటే భారత్ నుంచి వచ్చే ప్రయాణికులపై ఆంక్షలు విధించింది ఆస్ట్రేలియా. దీంతో మాల్దీవుల నుంచి వారి దేశానికి వెళ్లేందుకు ప్రయత్నాలు చేస్తున్నారు ఆసీస్ ఆటగాళ్లు.
