క్రికెట్​కు డారెన్ బ్రావో వీడ్కోలు - కారణం అదేనా?

Darren Bravo Retirement : వెస్టిండీస్ స్టార్ బ్యాటర్ డారెన్ బ్రావో.. ఇంటర్నేషనల్ క్రికెట్​కు గుడ్​బై చెప్పాడు. ఈ విషయాన్ని స్వయంగా సోషల్ మీడియాలో ప్రకటించాడు.

Darren Bravo Retirement : వెస్టిండీస్ స్టార్ బ్యాటర్ డారెన్ బ్రావో అంతర్జాతీయ క్రికెట్​కు వీడ్కోలు పలికాడు. ఈ విషయాన్ని బ్రావో సోషల్ మీడియా ద్వారా వెల్లడించాడు. 2009లో అంతర్జాతీయ అరంగేట్రం చేసిన బ్రావో.. 14 ఏళ్ల పాటు వెస్టిండీస్ తరఫున ప్రాతినిధ్యం వహించాడు. ఇక 34 ఏళ్ల లెఫ్ట్​ హ్యాండ్ బ్యాటర్ తన కెరీర్​లో.. 122 వన్డే, 56 టెస్టు, 26 టీ20 మ్యాచ్​లు ఆడాడు. మూడు ఫార్మాట్​లలో కలిపి బ్రావో.. 7,052 పరుగులు చేశాడు. ఇందులో 12 శతకాలు, 35 అర్ధ శతకాలు ఉన్నాయి. బ్రావో చివరిసారిగా 2022 ఫిబ్రవరిలో ఇంటర్నేషనల్ మ్యాచ్​ ఆడాడు. అయితే ఇంగ్లాండ్​తో వన్డే సిరీస్ నేపథ్యంలో.. వెస్టిండీస్ జట్టుకు ఎంపిక కాని తర్వాత బ్రావో రిటైర్మెంట్ ప్రకటించడం గమనార్హం.

మాజీ క్రికెటర్ డ్వెన్ బ్రావో సోదరుడిగా క్రికెట్​లోకి ఎంట్రీ ఇచ్చిన డారెన్ బ్రావో.. విండీస్ తరఫున అనేక కీలక ఇన్నింగ్స్​ ఆడాడు. తక్కువ కాలంలోనే బ్రావో.. జాతీయ జట్టులో స్థానం సుస్థిరం చేసుకున్నాడు. మరోవైపు కరీబియన్ ప్రీమియర్ లీగ్​లో.. 98 మ్యాచ్​ల్లో 1956 పరుగులు చేశాడు. ఇక 2017లో ఐపీఎల్​లో ఎంట్రీ ఇచ్చిన బ్రావో కేవలం ఒకే ఒక్క మ్యాచ్​ ఆడాడు. అతడు కోల్​కతా నైట్​రైడర్స్​ జట్టు తరఫున ప్రాతినిధ్యం వహించాడు.

• NEWS ALERT: Darren Bravo announces his retirement from International cricket. pic.twitter.com/HYLTuJ9n5u

  — CricTracker (@Cricketracker) November 26, 2023 " class="align-text-top noRightClick twitterSection" data="

  NEWS ALERT: Darren Bravo announces his retirement from International cricket. pic.twitter.com/HYLTuJ9n5u

  — CricTracker (@Cricketracker) November 26, 2023

  ">

  NEWS ALERT: Darren Bravo announces his retirement from International cricket. pic.twitter.com/HYLTuJ9n5u

  — CricTracker (@Cricketracker) November 26, 2023

Narine Retirement : ఇటీవల ఆల్​రౌండర్ సునీల్ నరైన్ కూడా అంతర్జాతీయ క్రికెట్​కు వీడ్కోలు పలికాడు. 35 ఏళ్ల నరైన్.. తన కెరీర్​లో అంతర్జాతీయంగా 65 వన్డే, 51 టీ20, 6 టెస్టు మ్యాచ్​లు ఆడాడు. అన్ని ఫార్మాట్​లలో కలిపి 165 వికెట్లు పడగొట్టాడు. ఇక ఇంటర్నేషనల్ క్రికెట్​కు గుడ్​బై చెప్పిన నరైన్.. డొమెస్టిక్ లీగ్​లలో యధావిథిగా ఆడనున్నట్లు స్పష్టం చేశాడు.

అయితే గతకొన్ని రోజులుగా వెస్టిండీస్ క్రికెట్ బోర్డులో వివాదాలు జరుగుతున్నాయి. అయితే ప్లేయర్లకు మ్యాచ్​ ఫీజులు సరిగా చెల్లించట్లేదనే ఆరోపణలు కూడా విండీస్ బోర్డు ఎదుర్కొంది. దీంతో ఆటగాళ్లు జాతీయ జట్టులో ఆడడం కంటే.. ఆయా డొమెస్టిక్ లీగ్​ల్లో ఆడేందుకు ప్రాధాన్యం ఇస్తున్నారు. పైగా రెండుసార్లు వన్డే ప్రపంచకప్​ విజేత విండీస్.. 2023 వరల్డ్​కప్​నకు అర్హత సాధించకపోవడం పట్ల బోర్డు కూడా అంసతృప్తి చెందిందని తెలిసింది.