ప్రపంచకప్ సమరం ముగిసింది. న్యూజిలాండ్, ఇంగ్లాండ్ మధ్య జరిగిన ఫైనల్ మ్యాచ్ నరాలు తెగే ఉత్కంఠ మధ్య జరిగింది. తుదిపోరులో మోర్గాన్ సేన కివీస్పై విజయం సాధించింది. అయితే ఇక్కడ సమస్యంతా వారు గెలిచిన తీరులోనే ఉంది. ఐసీసీ దారుణ నిబంధనల ఫలితంగా ఇంగ్లాండ్ వరల్డ్కప్ గెలిచిందని పలువురు అభిప్రాయపడుతున్నారు. అంపైర్ల తప్పుడు నిర్ణయాలూ కివీస్ ఓటమికి కారణమని ఆ దేశ మీడియా మండిపడింది.
తప్పిదం జరిగిందిలా..
ఇంగ్లాండ్ ఇన్నింగ్స్ చివరి ఓవర్. విజయానికి మూడు బంతుల్లో తొమ్మిది పరుగులు అవసరం. బెన్ స్టోక్స్ బ్యాటింగ్. బౌల్ట్ బౌలింగ్. బంతిని లెగ్ సైడ్లో ఆడాడు స్టోక్స్. గప్తిల్ బంతిని కీపర్ వైప్ విసిరాడు. కానీ అది రెండో పరుగు కోసం డైవ్ చేస్తున్న స్టోక్స్ బ్యాట్ను తాకి ఫోర్ వెళ్లింది. ఫలితంగా అంపైర్ ధర్మసేన ఆరు పరుగులు ఇచ్చాడు.
ఈ ఆరు పరుగులే సూపర్ ఓవర్కు దారితీశాయి. ఇంగ్లాండ్ తొలి ప్రపంచకప్ విజయానికి కారణమయ్యాయి.
న్యూజిలాండ్ మీడియా ఓవర్ త్రోగా ఆరు పరుగులు ఇవ్వడాన్ని తప్పుపట్టింది. ఇదే విషయంపై మాజీ ఐసీసీ ఎలైట్ ప్యానెల్ అంపైర్ సైమన్ టఫెల్ స్పందించాడు.
అంపైర్ నిర్ణయం తప్పు. ఎంసీసీ నిబంధనలకు విరుద్ధంగా అధిక పరుగులు ఇచ్చారు.
-టఫెల్, మాజీ అంపైర్
ఎంసీసీ నిబంధనలు ఏం చెబుతున్నాయి ?
ఓవర్ త్రో ద్వారా బౌండరీకి వెళితే.. ఆ పరుగులతో పాటు ఫీల్డర్‌ యాక్షన్‌ పూర్తయ్యే సమయానికి బ్యాట్స్‌మెన్‌ తీసిన పరుగులను కూడా కలిపి ఇవ్వాలి.
అయితే స్టోక్స్, రషీద్‌లు రెండో పరుగు పూర్తి చేయకుండానే బంతి స్టోక్స్ బ్యాట్ తాకి బౌండరీకి వెళ్లింది. బౌండరీ ద్వారా లభించిన 4 పరుగులకు.. వారు చేసిన ఒక్క పరుగును జోడించి ఐదు పరుగులు ఇవ్వాలి. అంపైర్లు గుర్తించకుండా 6 పరుగులిచ్చారు.
ఇవీ చూడండి.. WC19: ఐసీసీ ప్రపంచకప్ జట్టు ఇదే...!
