ప్రపంచకప్ అనంతరం ధోనీ రిటైర్మెంట్ ప్రకటిస్తాడని చాలా రోజులుగా వార్తలు షికారు చేస్తున్నాయి. అయితే ఈ నిర్ణయంపై జట్టుతో మహీ చర్చించలేదని విరాట్ కోహ్లీ అన్నాడు. సెమీస్ మ్యాచ్ అనంతరం మీడియాతో మాట్లాడిన కోహ్లీ అనుకున్న ప్లాన్ ప్రకారమే ధోని ఏడో స్థానంలో బ్యాటింగ్కొచ్చాడని తెలిపాడు.
"రిటైర్మెంట్ గురించి ధోనీ.. జట్టుతో చర్చించలేదు. ఈ అంశంపై ఏం చెప్పలేదు. - విరాట్ కోహ్లీ
బ్యాటింగ్ ఆర్డర్లో మహీ ముందు ఎందుకు రాలేదు అనే ప్రశ్నపై బదులిస్తూ.. ప్రణాళిక ప్రకారమే ధోనీని ఏడో స్థానంలో పంపామని చెప్పాడు.
"ఓ ఎండ్లో ఉండి పరిస్థితులను నియంత్రిస్తూ ప్రణాళిక బద్దంగా నడిపించే బాధ్యతను తీసుకున్నాడు. అదే ప్లాన్ను ఇక్కడ ఆచరించాం. ఒకవేళ చివరి 7, 8 ఓవర్లలో ఆడాల్సి ఉంటే మహీ ముందు బ్యాటింగ్కు వచ్చేవాడు" - విరాట్ కోహ్లీ
ఈ మ్యాచ్లో మహేంద్ర సింగ్ ధోనీ 72 బంతుల్లో 50 పరుగులతో ఆకట్టుకున్నాడు. కివీస్తో జరిగిన ఈ మ్యాచ్లో భారత్ 18 పరుగుల తేడాతో ఓటమి పాలైంది.
