భారత స్టార్ పేసర్ జస్ప్రీత్ బుమ్రా బౌలింగ్లో రాకెట్ సైన్స్ దాగుందంటూ ప్రపంచకప్ టోర్నీకి ముందు సర్వత్రా చర్చ జరిగింది. ప్రస్తుతం అదే నిజమే అనిపిస్తోంది. ఈ మెగాటోర్నీలో భారత్ ఆడిన మూడు మ్యాచుల్లో కలిపి బుమ్రా మొత్తం 168 బంతులేయగా.. ఒక్క సిక్సర్ కూడా కొట్టలేకపోయారు ప్రత్యర్థి బ్యాట్స్మెన్.
దక్షిణాఫ్రికాతో జరిగిన తొలి మ్యాచ్లో 35 పరుగులిచ్చి రెండు వికెట్లు తీశాడు బుమ్రా. అనంతరం ఆసీస్తో జరిగిన రెండో మ్యాచ్లో 61 పరుగులిచ్చి మూడు కీలక వికెట్లు పడగొట్టాడు. న్యూజిలాండ్తో జరిగాల్సిన మూడో మ్యాచ్ వర్షం కారణంగా రద్దైంది. పాకిస్థాన్తో జరిగిన మ్యాచ్లో వికెట్లేమి తీయలేదు.
వన్డే ర్యాంకింగ్స్లో అగ్రస్థానంలో ఉన్న బుమ్రా... బంతితో ప్రత్యర్థులను కట్టడి చేస్తూ.. ఆకట్టుకుంటున్నాడు. దక్షిణాఫ్రికా, ఆసీస్, పాకిస్థాన్పై గెలిచిన భారత్ నేడు పసికూన అఫ్గాన్తో తలపడుతోంది. సౌతాంప్టన్ వేదికగా ఈ మ్యాచ్ జరగనుంది.
ఇది చదవండి: అఫ్గాన్తో మ్యాచ్కు రెడీ: విజయ్ శంకర్
