ప్రపంచకప్లో భాగంగా భారత్తో మ్యాచ్లో శ్రీలంక 7 వికెట్లు కోల్పోయి 264 పరుగులు చేసింది. టాస్ గెలిచి బ్యాటింగ్ ఎంచుకుంది శ్రీలంక. మ్యాథ్యూస్ శతకంతో చెలరేగగా.. తిరిమన్నె అర్ధసెంచరీతో ఆకట్టుకున్నాడు. భారత బౌలర్లలో బుమ్రా 3 వికెట్లు తీయగా.. కుల్దీప్, జడేజా, పాండ్య, భువనేశ్వర్ తలో వికెట్ తీశారు.
తొలి నలుగురు బ్యాట్స్మెన్లను తక్కువ పరుగులకే పెవిలియన్కు పంపారు భారత బౌలర్లు. 55 పరుగులకే 4 వికెట్లు కోల్పోయి పీకల్లోతూ కష్టాల్లో ఉన్న జట్టును ఆదుకున్నారు మ్యాథ్యుస్ (113), తిరిమన్నె (53). వీరిద్దరూ ఐదో వికెట్కు 124 పరుగుల భాగస్వామ్యం నెలకొల్పారు. కుదురుకున్నాక ఎడపెడా బౌండరీలు బాదుతూ లంకకు గౌరవప్రదమైన స్కోరు చేసేలా తోడ్పడ్డారు. తిరిమన్నెను ఔట్ చేసి ఈ జోడీని విడదీశాడు కుల్దీప్ యాదవ్.
అయినప్పటికీ మ్యాథ్యుస్ నిలకడగా ఆడుతూ శతకం సాధించాడు. 115 బంతుల్లో వంద పురుగులు పూర్తి చేసి కెరీర్లో 3వ సెంచరీని నమోదు చేశాడు మ్యాథ్యుస్. ప్రపంచకప్లో మాథ్యూస్కు ఇది తొలి శతకం.
భారత బౌలర్లలో అద్భుతంగా బౌలింగ్ చేసిన బుమ్రా 37 పరుగులిచ్చి 3 వికెట్లు పడగొట్టాడు. భువనేశ్వర్, హార్దిక్, జడేజా, కుల్దీప్ తలో వికెట్ దక్కించుకున్నారు.
