గంగూలీ రికార్డు బద్దలు కొట్టిన రోహిత్

రోహిత్ శర్మ మరో శతకంతో విజృంభించాడు. బంగ్లాతో జరుగుతున్న మ్యాచ్​లో 90 బంతుల్లో 100 పరుగులు పుర్తిచేశాడు. ఈ శతకంతో గంగూలీ రికార్డు అధిగమించాడు. ఈ ఏడాది వన్డేల్లో వెయ్యి పరుగులు చేసిన ఘనత కూడా సాధించాడు.

ప్రపంచకప్​లో వరుస శతకాలతో దూసుకుపోతున్న భారత ఓపెనర్ రోహిత్ శర్మ మరో సెంచరీని తన ఖాతాలో వేసుకున్నాడు. బంగ్లాతో జరుగుతున్న మ్యాచ్​లో​ 90 బంతుల్లో 100 పరుగులు పుర్తిచేశాడు. ఈ శతకంతో గంగూలీ రికార్డును బద్దలు కొట్టాడు రోహిత్ శర్మ. 2003 మెగాటోర్నీలో సౌరవ్ మూడు సెంచరీలు చేయగా.. ప్రస్తుతం 4 శతకాలతో దాదాను అధిగమించాడు రోహిత్​.

ఆరంభం నుంచి ధాటిగా ఆడిన హిట్ మ్యాన్ కెరీర్​లో 26వ శతకాన్ని నమోదు చేశాడు. ఇందులో 7 ఫోర్లు, 5 సిక్సర్లు ఉన్నాయి. హిట్​ మ్యాన్​కు ఇది వరుసగా రెండో శతకం. ఇంగ్లాండ్​పైనా సెంచరీతో ఆకట్టుకున్నాడు.

ప్రపంచకప్​ టోర్నీలో 15 ఇన్నింగ్స్​లో 5 శతకాలు చేశాడు. 2015 మెగాటోర్నీలో ఒకటి.. ఈ ప్రపంచకప్​లో 4 సెంచరీలు నమోదు చేశాడు. ఈ శతకంతో పాంటింగ్(5), సంగక్కర(5)లను సమం చేశాడు. ఇంకో శతకం చేస్తే సచిన్(6) రికార్డు అందుకుంటాడు హిట్ మ్యాన్. ఓ మెగాటోర్నీలో ఎక్కువ సెంచరీలు చేసిన రికార్డు సంగక్కర(4) పేరిట ఉంది. ఆ రికార్డునూ సమం చేశాడు రోహిత్.

• 122*
  57
  140
  1
  18
  102
  
  100* today, and he's still going.
  
  Rohit Sharma's #CWC19 campaign just gets better and better. #TeamIndia | #BANvIND pic.twitter.com/iYyZRYmI46

  — Cricket World Cup (@cricketworldcup) July 2, 2019 " class="align-text-top noRightClick twitterSection" data="

  122*
  57
  140
  1
  18
  102
  
  100* today, and he's still going.
  
  Rohit Sharma's #CWC19 campaign just gets better and better. #TeamIndia | #BANvIND pic.twitter.com/iYyZRYmI46

  — Cricket World Cup (@cricketworldcup) July 2, 2019

  ">

  122*
  57
  140
  1
  18
  102
  
  100* today, and he's still going.
  
  Rohit Sharma's #CWC19 campaign just gets better and better. #TeamIndia | #BANvIND pic.twitter.com/iYyZRYmI46

  — Cricket World Cup (@cricketworldcup) July 2, 2019

ఈ ఏడాది 1000 పరుగులు చేసిన హిట్ మ్యాన్

ఈ ఏడాది వన్డేల్లో వెయ్యి పరుగులు చేశాడు రోహిత్(1093). బంగ్లాదేశ్​తో మ్యాచ్​లో ఈ ఘనత అందుకున్నాడు. బంగ్లా బౌలర్ మోర్తాజా వేసిన తొలి ఓవర్లో సిక్సర్​తో పరుగుల ఖాతా తెరిచాడు. ఈ మ్యాచ్​కు ముందు వెయ్యి పరుగులకు ఏడు పరుగుల దూరంలో ఉన్నాడు. ఈ ఏడాది ఇప్పటికి 5 శతకాలు చేశాడు రోహిత్. ఈ ప్రపంచకప్​లోనే 4 సెంచరీలతో రాణించాడు.

శతకం అనంతరం రోహిత్(104) సౌమ్యా సర్కార్ బౌలింగ్​లో ఔటయ్యాడు. తొలి బంతిని ఫోర్​ కొట్టిన రోహిత్ రెండో బంతికి లిటన్ దాస్​కు క్యాచ్ ఇచ్చాడు.

ఇది చదవండి: టీమిండియాను ఓడించగలం: డిసిల్వా