ప్రపంచకప్లో ఆస్ట్రేలియాకు పెద్ద ఎదురుదెబ్బ తగిలింది. పేస్ బౌలర్గా, ఆల్‌రౌండర్గా రాణిస్తోన్న మార్కస్ స్టాయినిస్ టోర్నీలో కొన్ని మ్యాచ్లకు దూరం కానున్నాడు. భారత్తో జరిగిన పోరులో గాయపడిన స్టాయినిస్... పక్కటెముకల్లో నొప్పి కారణంగా పాకిస్థాన్‌తో ఆ బరిలోకి దిగలేదు. ముందు జాగ్రత్తగా అతడి స్థానంలో బ్యాకప్‌గా మరో ఆల్రౌండర్ మిషెల్ మార్ష్ను ఇంగ్లాండ్ రప్పిస్తున్నారు. వచ్చే వారం జట్టుతో కలవనున్నాడు మార్ష్. ఈ విషయాన్ని ఆసీస్ జట్టు సారథి ఫించ్ వెల్లడించాడు.
"స్టాయినిస్ త్వరగా కోలుకుంటే మిగతా మ్యాచ్లకు ఆడే అవకాశం ఉంది. ముందు జాగ్రత్తగానే మిషెల్ మార్ష్ను రప్పిస్తున్నాం. మార్ష్ను అప్పుడే జట్టులోకి తీసుకోము. వైద్యుల నివేదిక అందిన తర్వాతే నిర్ణయం తీసుకుంటాం"
--ఆరోన్ ఫించ్, ఆస్ట్రేలియా జట్టు సారథి
గాయపడ్డ ఆటగాళ్ల స్థానంలో కొత్తవారిని ఎంచుకునే అవకాశం అన్ని జట్లకూ కల్పించింది ఐసీసీ.
