సచిన్​, లారాల రికార్డుకు అడుగు దూరంలో కోహ్లీ

భారత క్రికెట్​ జట్టు సారథి విరాట్​ కోహ్లీని అభిమానులు ముద్దుగా పిలుచుకొనే పేరు పరుగుల యంత్రం. ఆ బిరుదుకు తగ్గట్లే అతడు ఎన్నో రికార్డులు తన ఖాతాలో వేసుకున్నాడు. తాజాగా అతడి ముందు మరో మైలురాయి వేచిచూస్తోంది.

ప్రపంచ క్రికెట్​లో అత్యుత్తమ బ్యాట్స్​మెన్​గా పేరుగాంచిన టీమిండియా కెప్టెన్​ విరాట్ కోహ్లీ​ ఇటీవల వన్డేల్లో 11వేల పరుగుల మైలురాయిని చేరుకున్నాడు. అతి తక్కువ ఇన్నింగ్స్​లలో ఈ మార్కు అందుకున్న ఆటగాడిగా ఘనత సాధించాడు. అయితే శనివారం సౌతాంప్టన్​ వేదికగా అఫ్గానిస్థాన్​తో మ్యాచ్​లో మరో రికార్డు అతడి ముందు ఊరిస్తోంది. అదే కెరీర్​లో 20వేల పరుగుల మార్కు.

• MILESTONE ALERT 🚨#TeamIndia Skipper #ViratKohli breaches the 11k run mark in ODIs 💪💪🇮🇳 pic.twitter.com/TMzuZjL5FW

  — BCCI (@BCCI) June 16, 2019 " class="align-text-top noRightClick twitterSection" data="

  MILESTONE ALERT 🚨#TeamIndia Skipper #ViratKohli breaches the 11k run mark in ODIs 💪💪🇮🇳 pic.twitter.com/TMzuZjL5FW

  — BCCI (@BCCI) June 16, 2019

  ">

  MILESTONE ALERT 🚨#TeamIndia Skipper #ViratKohli breaches the 11k run mark in ODIs 💪💪🇮🇳 pic.twitter.com/TMzuZjL5FW

  — BCCI (@BCCI) June 16, 2019

  
  

ప్రస్తుతం కోహ్లీ ఖాతాలో 19వేల 896 పరుగులు ఉన్నాయి. మరో 104 పరుగులు చేస్తే 20వేల మార్కు అందుకునే అవకాశం ఉంది. అఫ్గాన్​తో మ్యాచ్​లో ఈ ఘనత అందుకుంటే 415 ఇన్నింగ్స్​లోనే వేగంగా ఈ రికార్డు సాధించిన ఆటగాడిగా పేరు తెచ్చుకోనున్నాడు. ఈ స్టార్​ బ్యాట్స్​మెన్​ ఇప్పటివరకు 131 టెస్టులు, 222 వన్డేలు, 62 టీ20 మ్యాచ్​లు ఆడాడు.

దిగ్గజాలతో పోటీ...

అంతర్జాతీయ క్రికెట్​ చరిత్రలో ఇప్పటివరకు 20వేల మార్కు అందుకున్న క్రికెటర్లు పదకొండు మంది మాత్రమే. భారత క్రికెట్​ లెజెండ్​ సచిన్​ తెందూల్కర్​, వెస్టిండీస్​ దిగ్గజం బ్రయాన్​ లారా ఈ ఘనతను సాధించారు. ఈ ఇద్దరూ 453 ఇన్నింగ్స్​లలో ఈ రికార్డు అందుకున్నారు. వీరిద్దరి తర్వాత రికీ పాంటింగ్(ఆస్ట్రేలియా) ఇదే మార్కును​ 468 ఇన్నింగ్స్​లలో సాధించాడు.

ఈ జాబితాలో ఈ ముగ్గురితో పాటు సంగక్కర(శ్రీలంక), జయవర్దనే(శ్రీలంక), కలిస్​(దక్షిణాఫ్రికా), ద్రవిడ్​(భారత్​), జయసూర్య(శ్రీలంక), చంద్రపాల్​ (వెస్టిండీస్​), ఇంజమామా ఉల్​ హక్​(పాకిస్థాన్​), డివిలియర్స్​ (దక్షిణాఫ్రికా) విరాట్​ కోహ్లీ కన్నా ముందున్నారు.

ఈ ప్రపంచకప్​లో అద్భుతమైన ఫామ్​ కనబరుస్తున్నాడు కింగ్​​ కోహ్లీ. వన్డేల్లో 59.96 సగటుతో ఉన్న విరాట్​... ఈ మెగాటోర్నీలో ఆస్ట్రేలియాపై 82 పరుగులు, పాకిస్థాన్​పై 77 పరుగులు సాధించాడు. జూన్​ 16న పాకిస్థాన్​తో ఓల్డ్​ ట్రాఫోర్డ్​ మైదానంలో బరిలోకి దిగిన కోహ్లీ... వన్డేల్లో 11వేల మైలురాయిని అందుకున్నాడు. ఈ మార్కు అందుకున్న 9వ బ్యాట్స్​మెన్​గా కొనసాగుతున్నాడు కోహ్లీ.