దక్షిణాఫ్రికాతో జరుగుతున్న ప్రపంచకప్ మ్యాచ్లో బంగ్లాదేశ్ నిలకడగా ఆడుతోంది. లండన్ ఓవల్ వేదికగా సాగుతున్న ఈ మ్యాచ్లో బంగ్లా ఆటగాళ్లు సత్తాచాటుతున్నారు. ఓపెనర్ సౌమ్యా సర్కార్ 42 పరుగులు చేసి ఔటవ్వగా, షకిబుల్ హసన్ 43 పరుగులతో నిలకడగా ఆడుతున్నాడు. ప్రొటీస్ బౌలర్లలో ఫెలుక్వాయో, క్రిస్ మోరిస్ చెరో వికెట్ తమ ఖాతాలో వేసుకున్నారు.
టాస్ ఓడి బ్యాటింగ్కు దిగిన బంగ్లా జట్టుకు శుభారంభం దక్కింది. ఓపెనర్లు తమీమ్ ఇక్బాల్, సౌమ్యా సర్కార్ జోడి తొలి వికెట్కు 60 పరుగులు చేసింది. తమీమ్ను ఫెలుక్వాయో ఔట్ చేసి వీరి జోడిని విడదీశాడు.
డికాక్ కళ్లు చెదిరే క్యాచ్..
తమీమ్ నెమ్మదిగా ఆడినా.. సౌమ్యా సర్కార్ సఫారీ బౌలర్లను ధాటిగా ఎదుర్కొన్నాడు. 30 బంతుల్లోనే 42 పరుగులు చేసి మోరిస్ బౌలింగ్లో ఔటయ్యాడు సర్కార్. కళ్లు చెదిరే రీతిలో క్యాచ్ అందుకున్నాడు ప్రొటీస్ కీపర్ డికాక్.
వీరిద్దరూ ఔటైన తర్వాత బ్యాటింగ్కు వచ్చిన షకిబుల్ హసన్- ముష్ఫికర్ రహీమ్ ద్వయం మరో వికెట్ పడకుండా నిలకడగా ఆడుతోంది. వీరిద్దరూ ఇప్పటికే 100 పరుగుల భాగస్వామ్యాన్ని నమోదుచేసి ఆట కొనసాగిస్తున్నారు. షకీబ్, ముష్ఫికర్ ఇరువురు అర్ధశతకాలు చేశారు.
