కింగ్స్ ఎలెవన్ పంజాబ్ ఆటగాళ్లను పునరుద్ధరించడానికి పర్యాయపదంగా మారిపోయింది. కానీ ఈ ఏడాది కాస్త పర్వాలేదనిపిస్తోంది. హెడ్ కోచ్గా మైక్ హెసన్ స్థానాన్ని అనిల్ కుంబ్లేతో భర్తీ చేసింది. ఈ సీజన్లో గట్టిపోటీ ఇచ్చేందుకు సిద్ధమవుతోంది. గురువారం జరగనున్న ఐపీఎల్ వేలంలో సీమర్ల వైపు మొగ్గు చూపనుంది పంజాబ్.
అంటిపెట్టుకున్న ఆటగాళ్లు
కేఎల్ రాహుల్, క్రిస్ గేల్, మయాంక్ అగర్వాల్, కరుణ్ నాయర్, సర్ఫరాజ్ ఖాన్, నికోలస్ పూరన్, మన్దీప్ సింగ్, మహ్మద్ షమి, ముజీబుర్ రెహ్మన్, అర్షదీప్ సింగ్, హార్దస్ విజోయిన్, మురుగన్ అశ్విన్, హర్ప్రీత్ బ్రార్, దర్షన్ నల్కాండే
ట్రేడెడ్ ఇన్: క్రిష్ణప్ప గౌతమ్ (రాజస్థాన్ నుంచి), జగదీశ సుచిత్ (దిల్లీ నుంచి)
వదులుకున్న ఆటగాళ్లు
డేవిడ్ మిల్లర్, ఆండ్రూ టై, సామ్ కరన్, హెన్రిక్స్, ప్రభ్సిమ్రన్ సింగ్, అగ్నివేశ్ అయాచీ, వరుణ్ చక్రవర్తి
ట్రేడెడ్ ఔట్ : అంకిత్ రాజ్పుత్ (రాజస్థాన్కు), రవిచంద్రన్ అశ్విన్ (దిల్లీకు)
అందుబాటులో ఉన్న నగదు: 42.70 కోట్లు
తీసుకునే అవకాశం ఉన్న ఆటగాళ్ల సంఖ్య: 9 (స్వదేశీ 5, విదేశీ 4)
వ్యూహం
2018, 19 సీజన్లో కెప్టెన్గా వ్యవహరించిన అశ్విన్ను దిల్లీకి బదిలీ చేసింది. ప్రస్తుతానికి ఇంకా తొమ్మిది స్థానాలు ఖాళీ ఉన్నాయి. ప్రతి విభాగంలోనూ కొనుగోలు చేయాల్సిన అవసరం ఉంది. ప్రస్తుతం ఈ జట్టులో సీమర్ల కొరత ఉంది. అందువల్ల విదేశీ, స్వదేశీ బౌలర్లను కొనుగోలు చేసే వీలుంది. బ్యాటింగ్ లైనప్ కాస్త బలహీనంగానే కనిపిస్తోంది. క్రిస్ గేల్, నికోలస్ పూరన్లకు మద్దతుగా నిలిచే బ్యాట్స్మన్ను తీసుకోవాల్సి ఉంది. అలాగే మంచి ఆల్రౌండర్ను వేలంలో దక్కించుకోవాలని చూస్తోంది.
దృష్టిసారించే ఆటగాళ్లు
క్రిస్ లిన్, పాట్ కమిన్స్, క్రిస్ మోరిస్, షెల్డన్ కాట్రెల్, నాథన్ కౌల్టర్నీల్, డేల్ స్టెయిన్, మోహిత్ శర్మ, జయదేవ్ ఉనద్కత్, బరీందర్ శరణ్, తుషార్ దేశ్ పాండే, జేమ్స్ నీషమ్, మార్కస్ స్టొయినిస్, క్రిస్ జోర్డాన్, సిమన్స్.
ఇదీ చదవండి: విశాఖ వన్డేలో సత్తాచాటితే విరాట్ ఖాతాలో అరుదైన రికార్డులు
