టీమ్ఇండియాతో ఆఖరి టెస్టును బ్రిస్బేన్లోనే ఆడతామని ఆస్ట్రేలియా ఓపెనర్ మాథ్యూ వేడ్ అన్నాడు. అందుకుగానూ క్వారంటైన్ వంటి కఠిన బయోబబుల్ నియమావళిని పాటించాల్సి ఉంటుందని వెల్లడించాడు. ఆ సవాళ్లకు ఆసీస్ జట్టు సిద్ధంగా ఉందని వేడ్ స్పష్టం చేశాడు. అయితే ఆసీస్కు వచ్చినప్పుడే 14రోజుల క్వారంటైన్లో ఉన్న భారత్.. బ్రిస్బేన్లో మరోసారి కఠిన నిర్బంధంలో ఉండడానికి అభ్యంతరం తెలుపుతున్నట్లు సమాచారం.
"బ్రిస్బేన్లో ఆడేందుకు భారత్ సుముఖంగా లేదని నేను వినలేదు. సిడ్నీలోనే నాలుగో టెస్టు ఆడాలని మేము అనుకోవడం లేదు. వేసవిలో విడుదల చేసిన షెడ్యూల్ అమలుకు క్రికెట్ ఆస్ట్రేలియా కట్టుబడి ఉంది. దానికి అనుగుణంగానే గబ్బా మైదానంలో ఆడాలనుకుంటున్నాం తప్ప వేరే కారణాలేవీ లేవు. అది క్వారంటైన్ హోటల్ అయినా సరే, గ్రౌండ్కు వెళ్లి మళ్లీ తిరిగి రావాల్సిందే. వేదికలో మార్పు ఉందని చెప్పేంతవరకు ఎక్కడ ఆడడానికైనా మేము సిద్ధం."
- వేడ్, ఆస్ట్రేలియా ఓపెనర్
బ్రిస్బేన్ వేదికగా జనవరి 15నుంచి 19వరకు నాలుగో టెస్టు జరగనుంది. జనవరి 7 నుంచి సిడ్నీలో మూడో టెస్టు ప్రారంభం కానుంది.
ఇదీ చూడండి: బ్రిస్బేన్ టెస్టులో టీమ్ఇండియా ఆడడం సందేహమే!
