టీమ్ఇండియా కెప్టెన్ కోహ్లీని స్లెడ్జింగ్ చేయడమంటే రెడ్ జోన్లో ఉన్నట్లేనని ఆస్ట్రేలియా పేసర్ జోష్ హేజిల్వుడ్ అభిప్రాయపడ్డాడు. విరాట్ బ్యాటింగ్ చేస్తున్నప్పుడు అతడిని రెచ్చగొట్టే పనులేవీ చేయకూడదని తమ జట్టు బౌలర్లు నిశ్చయించుకున్నట్లు చెప్పాడు. స్టార్స్పోర్ట్స్ క్రికెట్ షోలో ఇటీవలే మాట్లాడిన హేజిల్వుడ్.. పలు విషయాలు పంచుకున్నాడు.
"మేం ఈ టెస్టు సిరీస్లో ఘర్షణలకు దూరంగా ఉండాలని అనుకుంటున్నాం. చివరి మ్యాచ్ వరకు ఈ నిర్ణయాన్ని పూర్తిగా అమలుచేస్తామని భావిస్తున్నా. కోహ్లీ తగాదాలను బాగా ఇష్టపడతాడు. ఎందుకంటే అదే అతడిలోని అత్యుత్తమ ఆటగాడిని బయటికి తెస్తుంది. ముఖ్యంగా విరాట్ బ్యాటింగ్ చేస్తున్న సమయం బౌలర్లకు నో గో జోన్ లాంటింది"
జోష్ హేజిల్వుడ్, ఆస్ట్రేలియా పేసర్
ఆస్ట్రేలియా ఆటగాళ్లు బ్యాటింగ్ చేస్తూ.. కోహ్లీ మైదానంలో ఫీల్డింగ్లో ఉంటే పరిస్థితి భిన్నంగా ఉంటుందని హేజిల్వుడ్ పేర్కొన్నాడు.
"మా వాళ్లు బ్యాటింగ్ చేస్తూ.. కోహ్లీ ఫీల్డింగ్లో చేస్తుంటే అతడిని రెచ్చగొట్టే ప్రయత్నం చేసి పరిస్థితులను అనుకూలంగా మార్చుకోవచ్చు. కానీ విరాట్ బ్యాటింగ్ చేస్తున్నప్పుడు అలా వదిలేయడమే మంచింది. ఆ విధంగా కోహ్లీని స్విచ్ ఆఫ్ మూడ్లోకి తీసుకొచ్చి.. తద్వారా ప్రయోజనాన్ని పొందొచ్చు" అని హేజిల్వుడ్ చెప్పాడు.
ఈ ఏడాది డిసెంబరులో ఆస్ట్రేలియా పర్యటనకు వెళ్లనుంది టీమ్ఇండియా. ఇందులో భాగంగా నాలుగు టెస్టులు ఆడనుంది.
ఇదీ చూడండి:'నెట్ ప్రాక్టీసులో గావస్కర్ చెత్త ఆటగాడు'
