విజయ్​ హజారే ట్రోఫీ ఫైనల్లో ముంబయి, ఉత్తరప్రదేశ్​

దేశవాళీ విజయ్​ హజారే ట్రోఫీ ఫైనల్​లో ముంబయి, ఉత్తరప్రదేశ్​ జట్లు అడుగుపెట్టాయి. గురువారం జరిగిన టోర్నీ సెమీఫైనల్స్​లో కర్ణాటకపై ముంబయి గెలుపొందగా.. గుజరాత్​ టీమ్​పై ఉత్తరప్రదేశ్​ విజయం సాధించింది. ఆదివారం జరగనున్న తుదిపోరు ఈ రెండు జట్లు తలపడనున్నాయి.

విజయ్​ హజారే ట్రోఫీ ఫైనల్​లో ఉత్తరప్రదేశ్​, ముంబయి జట్లు చేరుకున్నాయి. గురువారం జరిగిన టోర్నీ సెమీఫైనల్స్​లోని తొలి మ్యాచ్​లో గుజరాత్​, ఉత్తరప్రదేశ్​ తలపడగా 5 వికెట్ల తేడాతో ఉత్తరప్రదేశ్​ గెలుపొంది.. తొలి ఫైనలిస్టుగా బెర్త్​ ఖరారు చేసుకుంది. రెండో మ్యాచ్​లో కర్ణాటక, ముంబయి జట్లు తలపడగా.. ఇందులో 72 పరుగుల తేడాతో ముంబయి విజయం సొంతం చేసుకుంది.

దిల్లీలోని అరుణ్​జైట్లీ స్టేడియం వేదికగా ఆదివారం జరగనున్న విజయ్ హజారే ట్రోఫీ ఫైనల్​లో ముంబయి, ఉత్తరప్రదేశ్​ ఆడనున్నాయి.

సెమీఫైనల్స్​ స్కోర్​ వివరాలు:

గుజరాత్​ Vs ఉత్తరప్రదేశ్​: (5 వికెట్ల తేడాతో ఉత్తరప్రదేశ్​ జట్టు గెలుపు)

గుజరాత్​ 184; 48.1 ఓవర్లలో (హెట్​ పటేల్​ 60, పియూష్ చావ్లా 32; యాష్​ దయాళ్​ 3/34, అకీబ్​ ఖాన్​ 2/22)

ఉత్తరప్రదేశ్​ 188/5; 42.5 ఓవర్లు (అక్షదీప్​ నాథ్​ 71, కరన్​ శర్మ 38, ఉపేంద్ర యాదవ్​ 31 నాటౌట్​)

ముంబయి Vs కర్ణాటక: (72 పరుగుల తేడాతో ముంబయి విజయం)

ముంబయి 322; 49.2 ఓవర్లు ( పృథ్వీషా 165, షామ్స్​ ములానీ 45; వ్యాషక్​ వీ 4/56, ప్రసిద్ధ్​ కృష్ణ 3/64)

కర్ణాటక 250; 42.4 ఓవర్లు (దేవ్​దత్​ పడిక్కల్​ 64, శరత్​ 61; తనూష్​ కొటియాన్​ 2/23, తుషార్​ దేశ్​పాండే 2/37)

ఇదీ చూడండి: టీ20 రికార్డులపై కన్నేసిన కోహ్లీ, రోహిత్​