రాబోయే విజయ్ హజారే ట్రోఫీలో భాగంగా తమ జట్టులో యార్కర్ల స్పెషలిస్ట్ నటరాజన్కు చోటు కల్పించిన తమిళనాడు క్రికెట్ అసోసియేషన్(టీఎన్సీఏ).. అతడి విషయంలో నిర్ణయం మార్చుకుంది. అతడిని విడుదల చేస్తునట్లు ప్రకటించింది.
ఇంగ్లాండ్తో జరగబోయే పరిమిత ఓవర్ల సిరీస్కు నట్టూ ఎంపికయ్యాడు. ఈ ఫార్మాట్లో అతడిని పూర్తిస్థాయి ఫిట్నెస్, ఉత్సాహంతో బరిలో దింపాలని బీసీసీఐ భావిస్తోంది. ఈ కారణంగానే నట్టూను విడుదల చేస్తునట్లు టీఎన్సీఏ తెలిపింది.
బీసీసీఐకి వినతి
ఇంగ్లాండ్తో జరగుతున్న తొలి రెండు టెస్టులకు భారత జట్టులో యువ లెఫ్ట్ ఆర్మ్ పేసర్ నట్టూకు స్థానం కల్పించలేదు యాజమాన్యం. దీంతో తమిళనాడు జట్టులో చోటు కల్పించింది టీఎన్సీఏ. అయితే అతడిని తుది జట్టులో ఆడించే విషయమై బీసీసీఐ అనుమతి కోరింది. స్పందించిన బీసీసీఐ.. నట్టూ ఫిట్నెస్తో ఉండటం ముఖ్యమని తమతో చెప్పినట్లు టీఎన్సీఏ వెల్లడించింది.
ఈ టోర్నీలో తమ జట్టుకు భారత సీనియర్ ప్లేయర్ దినేశ్ కార్తీక్ను సారథిగా నియమించగా.. బాబా అపరాజిత్కు వైస్ కెప్టెన్సీ అప్పగించింది తమిళనాడు. ఫిబ్రవరి 20 నుంచి మార్చి 14వరకు జరగనున్న ఈ టోర్నీ సూరత్, ఇండోర్, బెంగళూరు, జైపుర్, కోల్కతా, చెన్నైలో జరగనుంది.
ఇదీ చూడండి: హజారే ట్రోఫీ తమిళనాడు జట్టులో నట్టూ
