ప్రేక్షకులు లేకుండా క్రికెట్ ఆడటం భిన్నమైన సవాలేనని ఆస్ట్రేలియా స్టార్ బ్యాట్స్మన్ స్టీవ్ స్మిత్ అభిప్రాయపడ్డాడు. పరిమిత ఓవర్ల సిరీస్ కోసం ఇంగ్లాండ్ పర్యటనకు వెళ్తూ ఈ వ్యాఖ్యలు చేశాడు. సెప్టెంబరు 4న ప్రారంభం కానున్న ఈ సిరీస్లో చెరో మూడు టీ20లు(సౌతాంప్టన్లో), వన్డేలు(మాంచెస్టర్లో) జరగనున్నాయి.
"ఈ సిరీస్లో పాల్గొనడం చాలా సంతోషంగా ఉంది. కానీ, మైదానంలో నన్ను ఉత్సాహపరిచే ప్రేక్షకులు ఉండరు. ఇటీవలే ఇంగ్లాండ్ ఆడిన టెస్టులు చూశా. గత కొన్నేళ్లలో వైట్ బాల్ క్రికెట్లో వారు అసాధారణ రీతిలో మెరుగయ్యారు. అందువల్ల ఈ సిరీస్ రసవత్తరంగా ఉండనుంది. కచ్చితంగా బయో సెక్యూర్ వాతావరణంలో ఉంటూ.. ఆడటమంటే కాస్త భిన్నమే"
స్టీవ్ స్మిత్, ఆస్ట్రేలియా క్రికెటర్
ఇది ఓ సవాలుగా అయినప్పటికీ.. సిరీస్ కోసం ఆసక్తికరంగా ఎదురుచూస్తున్నట్లు స్మిత్ చెప్పాడు. ఇన్ని నెలల విరామం తర్వాత తిరిగి క్రికెట్ ఆడనుండటం అదృష్టంగా భావిస్తున్నట్లు పేర్కొన్నాడు.
ఇంగ్లాండ్తో పరిమిత ఓవర్ల సిరీస్ కోసం 21 మందితో జట్టును ఎంపిక చేసింది ఆస్ట్రేలియా.
