ఇంగ్లాండ్తో తొలి వన్డేలో గాయపడ్డ శ్రేయస్ అయ్యర్.. ఐపీఎల్లో ఆడేది అనుమానంగా మారింది. అతని గాయం తీవ్రంగా ఉందని బీసీసీఐ వెల్లడించింది. "ఇంగ్లాండ్ ఇన్నింగ్స్ 8వ ఓవర్లో బెయిర్ స్టో కొట్టిన బంతిని ఆపే క్రమంలో శ్రేయస్ డైవ్ చేయగా.. అతడి చేయి నేలను బలంగా తాకింది. శ్రేయస్ భుజం కొంతమేర డిస్లొకేట్ అయ్యింది. దీనికి ఆరు వారాల విశ్రాంతి అవసరమని వైద్యులు సూచించారు. సమస్య తీవ్రమైతే ఆ గాయానికి శస్త్ర చికిత్స చేయాల్సి ఉంటుంది," అని తెలిపింది.
ఈ గాయం నుంచి ఆటగాళ్లు కోలుకోవడానికి కనీసం ఆరు వారాల సమయం పడుతుందని తెలుస్తోంది. సర్జరీ చేయాల్సి వస్తే కోలుకునేందుకు ఆరు వారాలకు మించి సమయం పడుతుంది. మరికొద్ది రోజుల్లో ఐపీఎల్ ప్రారంభం కానున్న నేపథ్యంలో శ్రేయస్ గాయం దిల్లీ క్యాపిటల్స్ను కలవరపెట్టే విషయమే.
మరో ఇద్దరు...
