కరోనా తర్వాత కరీబియన్ దీవుల్లో కింగ్స్టన్ వేదికగా క్రికెట్ వేడుక ప్రారంభమైంది. విన్సీ టీ10 క్రికెట్ లీగ్లో ఆరు జట్లు పాల్గొంటున్నాయి. ఇందులో బంతి మెరుపు కోసం లాలాజలం వాడటం, స్టేడియంలోకి ప్రేక్షకులను అనుమతించడం నిషేధించారు. అంతర్జాతీయ క్రికెట్లో ఇది చిన్న టోర్నీ అయినప్పటికీ.. కరోనా వైరస్ మహమ్మారి తర్వాత మైదానంలో ప్రారంభమైన తొలి క్రికెట్ టోర్నమెంట్ ఇదే.
"స్టేడియానికి 300 నుంచి 500 మంది ప్రేక్షకులను అనుమతించాలని తొలుత అనుకున్నాం. కానీ, కొంతమంది నిపుణుల సలహాతో ప్రేక్షకులను అనుమతించొద్దని నిర్ణయించాం. ప్రేక్షకుల భావోద్వేగాలు మేము అర్థం చేసుకోగలను. కానీ, ఆరోగ్య భద్రత కోసం ప్రజలు సమూహంగా చేరడాన్ని ప్రోత్సహించలేం". - కిషోర్ షాలో, అసోసియేషన్ ప్రెసిడెంట్
ఈ టోర్నీలో పాల్గొనే క్రికెటర్లంతా కొన్ని నిబంధనలను కచ్చితంగా అనుసరించాలని అసోసియేషన్ ఆదేశించింది. బంతికి లాలాజలాన్ని వాడటం, వికెట్ పడితే సామూహిక సంబరాలు చేసుకోవటం పూర్తిగా నిషేధం. బౌండరీ లైన్ల వద్ద శానిటైజర్లతో సహా ఆటగాళ్లకు థర్మల్ చెకింగ్ పరికరాలను అందుబాటులో ఉంచారు. అంపైర్లు మాస్క్లు ధరించి మైదానంలో అడుగుపెట్టారు.
ఇదీ చూడండి... 'జురాసిక్ వరల్డ్'లో కోహ్లీ.. టీజర్ విడుదల!
