ఐపీఎల్ను తమ దేశంలో నిర్వహించడానికి సిద్ధంగా ఉన్నట్లు వస్తోన్న వార్తలు అవాస్తమని తెలిపారు న్యూజిలాండ్ క్రికెట్ బోర్డు ప్రతినిధి. ఇవన్నీ కేవలం ఊహాగానాలేనని అన్నారు. ఈ మెగాటోర్నీకి ఆతిథ్యమివ్వడానికి ఎటువంటి ఆసక్తి చూపలేదని స్పష్టం చేశారు.
భారత్లో కరోనా విజృంభిస్తోన్న నేపథ్యంలో ఐపీఎల్ను విదేశీ గడ్డపై నిర్వహించొచ్చనే అవకాశాలు ఉన్నాయని ఇటీవల ఓ బీసీసీఐ అధికారి అన్నారు. యూఏఈ, శ్రీలంక, న్యూజిలాండ్ దేశాలు ఆతిథ్యమిచ్చేందుకు ముందుకొచ్చినట్లు వెల్లడించారు.
ఐసీసీ నిర్ణయం తర్వాతే
అయితే భారత్లోనే ఈ టోర్నీ జరపడం తమ తొలి ప్రాధాన్యమని తాజాగా స్పష్టం చేశారు బీసీసీఐ అధ్యక్షుడు గంగూలీ.
కరోనా వల్ల ఆస్ట్రేలియాలో ఈ ఏడాది అక్టోబరు-నవంబరులో జరగాల్సిన టీ20 ప్రపంచకప్ నిర్వహణపై సందేహాలు నెలకొన్నాయి. ఇప్పటికే జరపలేమని ఆసీస్ బోర్డు సంకేతాలు ఇచ్చినా సరే, అంతర్జాతీయ క్రికెట్ మండలి స్పందించలేదు. అయితే ఐసీసీ, దీనిపై నిర్ణయం తీసుకున్న తర్వాతే ఐపీఎల్ నిర్వహణ తేదీ ప్రకటిస్తామని తెలిపారు గంగూలీ.
ఇది చూడండి : కివీస్ మహిళా జట్టుకు కెప్టెన్గా సోఫీ డివైన్
