దుబాయ్ వేదికగా దిల్లీతో మంగళవారం జరిగిన ఐపీఎల్ తుది పోరులో పలు రికార్డులను నమోదు చేశాడు ముంబయి ఇండియన్స్ సారథి రోహిత్ శర్మ. ఐపీఎల్ చరిత్రలో 200 మ్యాచ్లు ఆడిన రెండో ఆటగాడిగా నిలిచాడు. ధోనీ(204) ముందున్నాడు. ఇక రోహిత్ తన ఖాతాలో వేసుకున్న మరిన్ని రికార్డులివే..
ప్రతి యాభైల్లో..
- దిల్లీతో జరిగిన ఫైనల్లో 36 బంతుల్లోనే హాఫ్ సెంచరీ పూర్తి చేశాడు రోహిత్ శర్మ. అయితే.. తన ప్రతి 50వ ఐపీఎల్ మ్యాచ్లోనూ అతడు అర్ధ సెంచరీలను సాధించాడు.
- 50, 100, 150, 200వ మ్యాచ్ల్లో రోహిత్ శర్మ.. అజేయ అర్ధ శతకాలతో చెలరేగాడు.
తొలి కెప్టెన్..
- ఐపీఎల్ పైనల్లో.. రోహిత్ అర్ధ సెంచరీ చేయడం ఇది రెండోసారి. మరే కెప్టెన్ ఈ ఘనత సాధించలేదు.
- 2015లో చెన్నై సూపర్ కింగ్స్తో జరిగిన ఫైనల్ మ్యాచ్లో.. ముంబయి సారథి రోహిత్ శర్మ.. హాఫ్ సెంచరీ సాధించాడు. మళ్లీ ఈసారి దిల్లీతో జరిగిన మ్యాచ్లోనూ అతడు ఈ రికార్డు నమోదు చేశాడు.
ఐదోది, ఆరోది..
- కెప్టెన్గా రోహిత్కు ఇది ఐదో టైటిల్. ఆటగాడిగా ఆరోది. 2009లో కప్పు గెలిచిన డెక్కన్ ఛార్జర్స్ జట్టులో అతడు సభ్యుడు.
టీ20ల్లో రోహిత్సేన హోరు..
- 2011, 2013 టీ20 ఛాంపియన్ లీగ్ ట్రోఫీలను ముంబయి ఇండియన్స్ కైవసం చేసుకుంది.
- 2013, 2015, 2017, 2019, 2020 ఇండియన్ ప్రీమియర్ లీగ్ సీజన్లలో కప్ను ముద్దాడింది.
అత్యధిక స్కోరు..
మంగళవారం జరిగిన మ్యాచ్లో రోహిత్ శర్మ 68 పరుగుల్ని సాధించాడు. ఫైనల్ మ్యాచ్లో ఓ భారత కెప్టెన్ అత్యధిక పరుగులు ఇవే. విదేశీయుల్లో వార్నర్(69) ముందున్నాడు.
మూడు దేశాల్లోనూ..
- సారథిగా తమ జట్టును మూడు దేశాల్లో జరిగిన మ్యాచ్ల్లో విజేతగా నిలిపాడు హిట్మ్యాన్.
- దక్షిణాఫ్రికా, భారత్, యూఏఈల్లో జరిగిన మ్యాచ్ల్లో ముంబయి ఇండియన్స్ విజయం సాధించింది.
ఇరు జట్ల కెప్టెన్లు..
- 2016 ఐపీఎల్ తుదిపోరులో సన్రైజర్స్ సారథి డేవిడ్ వార్నర్ 69 పరుగులు సాధించగా.. ఆర్సీబీ సారథి కోహ్లీ 54 పరుగుల్ని సాధించాడు.
- తాజాగా ఈ సీజన్లో దిల్లీ తరఫున కెప్టెన్ శ్రేయస్ అయ్యర్.. 65 పరుగులు చేయగా.. ముంబయి తరఫున రోహిత్(62) అర్ధ శతకాన్ని బాదాడు.
ఇదీ చూడండి:ఐపీఎల్లో రోహిత్ శర్మ@200
