ప్రపంచాన్ని అతలాకుతలం చేస్తోన్న మహమ్మారి కరోనా వల్ల అనేక క్రీడా టోర్నీలు వాయిదా పడ్డాయి. అందులో కీలకమైన ఐపీఎల్-13 సీజన్తో పాటు టీ20 ప్రపంచకప్ టోర్నీలు ఉన్నాయి.
అస్ట్రేలియా వేదికగా ఈ ఏడాది అక్టోబరులో జరగాల్సిన టీ20 ప్రపంచకప్కు అనేక సవాళ్లు ఎదురు కానున్నాయి. ఆ దేశంలో జరిగే మేజర్ క్రీడాటోర్నీలతో పాటు ప్రపంచకప్ నిర్వహించటమనేది ఓ ఛాలెంజ్గా భావిస్తున్నారు. కరోనా కారణంగా ఇప్పటికే ఆస్ట్రేలియా ఫుట్బాల్ లీగ్ (ఏఎఫ్ఎల్), నేషనల్ రగ్బీ లీగ్లు వాయిదా పడ్డాయి. దీంతో భవిష్యత్లో ఈ మెగాటోర్నీలన్నీ ఘర్షణ పడే అవకాశం ఉంది.
"క్రికెట్ను మా ప్రజలు ప్రేమిస్తారు. ఆస్ట్రేలియా జాతీయక్రీడా అదే. అంతే కాకుండా టీ20 ఫార్మాట్ అనేది అందర్ని ఆకర్షించే టోర్నీ. ఇప్పటికే ప్రపంచకప్ టోర్నీకి చాలా టికెట్లు అమ్ముడయ్యాయి. అందువల్ల ప్రణాళిక ప్రకారం ప్రపంచకప్ను నిర్వహించాలనుకుంటున్నాం. అది జరగని పరిస్థితిలో మరొక మార్గాన్ని వెతుకుతాం."
-- నిక్ హాక్లే
మహిళల టీ20 ప్రపంచకప్ నిర్వాహణ విజయవంతమైన తరుణంలో పురుషుల టోర్నీ కూడా అదే ఉత్సాహంతో ప్రారంభించాలని క్రికెట్ ఆస్ట్రేలియా ఆశిస్తోంది.
ఇదీ చూడండి.. యువరాజ్ హృదయాన్ని కదిపిన వీడియో
