2011 వన్డే ప్రపంచకప్ ఫైనల్లో ఫిక్సింగ్ జరిగిందంటూ సంచలన వ్యాఖ్యలు చేశారు శ్రీలంక మాజీ క్రీడా మంత్రి మహిందానంద. దీనిపై స్పందించిన ఆ దేశ ప్రభుత్వం.. తక్షణ విచారణకు ఆదేశించింది. ఈ ఆరోపణలపై రెండు వారాల్లో నివేదిక సమర్పించాలని స్పష్టం చేశారు ప్రస్తుత లంక క్రీడామంత్రి దుల్లాస్ అలహప్పెరుమా.
ఫైనల్ల్లో లంక జట్టు కావాలనే ఓటమి పాలైందని, భారత్కు కప్పు అమ్మేసిందని మహిందానంద అన్నారు. ఈ మాటల్ని కొట్టిపడేసిన మాజీ క్రికెటర్లు సంగక్కర, జయవర్ధనే.. ఆధారాలు ఉంటే చూపించాలని చెప్పారు. మహిందానంద వ్యాఖ్యలు హాస్యాస్పదంగా ఉన్నాయని తెలిపారు.
ఈ మ్యాచ్లో తొలుత బ్యాటింగ్ చేసిన లంక.. 6 వికెట్ల నష్టానికి 274 పరుగులు చేసింది. ఛేదనలో భారత్ వికెట్లు త్వరత్వరగా కోల్పోయిన సరే గంభీర్-ధోనీ జోడీ.. కప్పు గెలుచుకోవడంలో కీలకపాత్ర పోషించింది. దీంతో 28 ఏళ్ల తర్వాత టీమ్ఇండియా ఈ మెగాటోర్నీలో విజేతగా నిలిచింది.
ఇవీ చదవండి:
