ఐపీఎల్ 12వ సీజన్ లీగ్ దశలో ఇంకా కొన్ని మ్యాచ్లు మాత్రమే మిగిలున్నాయి. ప్లేఆఫ్ రేసు కోసం రసవత్తర పోరు జరుగుతోంది. పంజాబ్ కూడా ప్లేఆఫ్ రేసుపై కన్నేసింది. అయితే ఆ జట్టు స్పిన్నర్ వరుణ్ చక్రవర్తి గాయం కారణంగా ఐపీఎల్కు దూరమయ్యాడు. ఇప్పటికే గాయంతో కొన్ని మ్యాచ్లకు దూరంగా ఉన్న వరుణ్ పూర్తిగా వైదొలుగుతున్నట్లు జట్టు ప్రకటించింది.
చేతి వేలు గాయం కారణంగా ఈ సీజన్లో కేవలం ఒకే ఒక్క మ్యాచ్ ఆడాడీ తమిళనాడు స్పిన్నర్. కోల్కతా నైట్రైడర్స్తో జరిగిన మ్యాచ్లో 35 పరుగులిచ్చి ఒక వికెట్ తీసుకున్నాడు. చెన్నైతో జరిగిన మ్యాచ్లో చేతి వేలికి గాయమై జట్టుకు దూరమయ్యాడు.
లీగ్ దశ చివరి మ్యాచ్ల వరకు గాయం నుంచి కోలుకుంటాడని జట్టు భావించింది. కానీ అది జరగలేదు. ఈ తమిళనాడు మిస్టరీ స్పిన్నర్ను పంజాబ్ జట్టు 8.4 కోట్ల ధరకు కొనుగోలు చేయడం విశేషం.
ఇవీ చూడండి.. కోహ్లీ విజయాలకు ఆటంకమిదేనా..?
