టీమ్ఇండియాకు ఆడుతున్న యువ క్రికెటర్ కరుణ్ నాయర్కు కరోనా వచ్చింది. అయితే ఈ విషయాన్ని ఇప్పటివరకు కర్ణాటక క్రికెట్ అసోసియేషన్ బయటకు చెప్పలేదు. రెండు వారాల క్రితమే ఈ ఆటగాడికి వైరస్ సోకిందని, ఇటీవలే ఆగస్టు 8న చేసిన పరీక్షల్లో నెగటివ్ వచ్చినట్లు వెల్లడించింది. భారత జట్టుకు ప్రస్తుతం ప్రాతినిధ్యం వహిస్తున్న ఓ క్రికెటర్కు కరోనా సోకడం ఇదే తొలిసారి.
వైరస్ నుంచి కోలుకోవడం వల్ల త్వరలో జరిగే ఐపీఎల్ కోసం దుబాయ్ వెళ్లనున్నాడు కరుణ్ నాయర్. ఇతడు కింగ్స్ ఎలెవన్ పంజాబ్ తరఫున ఆడనున్నాడు. సెప్టెంబరు 19 నుంచి నవంబరు 10 వరకు టోర్నీ జరగనుంది.
బీసీసీఐ నిబంధనల ప్రకారం ఐపీఎల్ కోసం దుబాయ్ వెళ్లే వారందరికీ తొలుత ఇక్కడే రెండుసార్లు టెస్ట్లు చేస్తారు. అక్కడికి వెళ్లిన వెంటనే మరోసారి, క్వారంటైన్లో మరో రెండుసార్లు చేస్తారు. ఈ ఐదింటిలో నెగటివ్ వచ్చిన వారిని మాత్రమే బయో బబుల్లోకి అనుమతిస్తారు.
