న్యూజిలాండ్తో జరుగుతున్న మూడో వన్డేలో తొలుత బ్యాటింగ్ చేసిన భారత్.. నిర్ణీత ఓవర్లలో 296 పరుగులు చేసింది. కేఎల్ రాహుల్ సెంచరీతో రాణించాడు. ఈ క్రమంలోనే సరికొత్త రికార్డును నెలకొల్పాడు. ఆసియా బయట దేశాల్లో వన్డేల్లో శతకం చేసిన భారత రెండో వికెట్ కీపర్గా చరిత్ర సృష్టించాడు. అంతకు ముందు 1999లో రాహుల్ ద్రవిడ్.. ఇంగ్లాండ్లో శ్రీలంకతో జరిగిన మ్యాచ్లో సెంచరీ చేశాడు.
దీనితో పాటే మరో రెండు ఘనతలు సాధించాడు రాహుల్. న్యూజిలాండ్పై వన్డేల్లో సెంచరీ చేసిన మొదటి వికెట్ కీపర్గా నిలిచాడు. ఐదు లేదా ఆ తర్వాతి స్థానాల్లో వచ్చి శతకం చేసిన వికెట్ కీపర్గానూ నిలిచాడు. మాజీ కెప్టెన్ ధోనీ సరసన చేరాడు. 2017లో ఇంగ్లాండ్పై మహీ.. 134 పరుగులు చేశాడు.
రాహుల్ సెంచరీల ఘనత
అతి తక్కువ ఇన్నింగ్స్ల్లో నాలుగు శతకాలు చేసిన వారిలో రాహుల్ రెండో స్థానంలో నిలిచాడు. అతడి కంటే ముందు ధావన్(24 ఇన్నింగ్స్) ఉన్నాడు. తర్వాతి కోహ్లీ(36), గంభీర్(44), సెహ్వాగ్(55) ఉన్నారు.
