ఏప్రిల్ 9న ఐపీఎల్ 14వ సీజన్ ప్రారంభంకానుంది. ఈ నేపథ్యంలో ఫ్రాంచైజీలు సాధనకు సన్నద్ధం అవుతున్నాయి. కరోనా నేపథ్యంలో ముందుగా ఆటగాళ్లు క్వారంటైన్లో ఉండనున్నారు. ఇప్పటికే ధోనీ సారథ్యంలోని చెన్నై సూపర్ కింగ్స్ ప్రాక్టీస్ షురూ చేయగా.. మిగతా జట్లు ఆ దారిలోనే పయనమవుతున్నాయి. తాజాగా కోల్కతా నైట్రైడర్స్ జట్టు ఆటగాళ్లు వారి క్వారంటైన్ను మొదలుపెట్టారు. ఈ విషయాన్ని ఫ్రాంచైజీ సామాజిక మాధ్యమాల ద్వారా వెల్లడించింది.
కేకేఆర్ మాజీ సారథి దినేశ్ కార్తీక్, రాహుల్ త్రిపాఠి, కమలేశ్ నాగర్కోటి, అసిస్టెంట్ కోచ్ అభిషేక్ నాయర్ ఫొటోలను పంచుకుంటూ 'కొత్త సీజన్ కోసం ఇది క్వారంటైన్ సమయం' అంటూ క్యాప్షన్ ఇచ్చింది.
- " class="align-text-top noRightClick twitterSection" data="
">
గతేడాది ఎన్నో అంచనాలతో బరిలో దిగిన కేకేఆర్ అనుకున్నంతగా రాణించలేకపోయింది. దీంతో లీగ్ మధ్యలోనే దినేశ్ కార్తీక్ను కెప్టెన్గా తప్పించి ఇయాన్ మోర్గాన్కు సారథ్య బాధ్యతలు అప్పగించింది యాజమాన్యం. ప్రస్తుతం ఇతడు టీమ్ఇండియాతో జరగబోతున్న వన్డే సిరీస్లో పాల్గొనబోతున్నాడు. ఇప్పటికే బయో బబుల్ వాతావరణంలో ఉండటం వల్ల మోర్గాన్ నేరుగా జట్టుతో కలవనున్నాడు.
