'జోఫ్రా ఆర్చర్​.. నేను ఎదుర్కొన్న వారిలో ద బెస్ట్'

ఇంగ్లాండ్​ యువ సంచలనం జోఫ్రా ఆర్చర్​పై సహచర ఆటగాడు మొయిన్ అలీ పొగడ్తలు కురిపించాడు. తాను ఎదుర్కొన్న ఫాస్ట్​బౌలర్లలో అతడే అత్యుత్తమమని చెప్పాడు.

ప్రస్తుత ప్రపంచకప్​లో ఇంగ్లాండ్​ తరఫున ఆడుతున్న జోఫ్రా ఆర్చర్​పై సహచర ఆల్​రౌండర్​ మొయిన్ అలీ ప్రశంసలు కురిపించాడు. రైజింగ్​ స్టార్​ అంటూ కితాబిచ్చాడు. తాను ఎదుర్కొన్న వారిలో అతడే అత్యుత్తమ ఫాస్ట్​ బౌలర్​ అని చెప్పాడు.

"జోఫ్రా అద్భుతమైన బౌలర్. పేస్​ అత్యుత్తమంగా ఉంది. నేను ఎదుర్కొన్న ఫాస్ట్​ బౌలర్లలో అతడే ద బెస్ట్." -మొయిన్ అలీ, ఇంగ్లాండ్​ ఆల్​రౌండర్

ఇంగ్లాండ్​ ఆల్​రౌండర్ మొయిన్ అలీ

గురువారం దక్షిణాఫ్రికాతో ప్రపంచకప్​ తొలి మ్యాచ్​లో అద్భుత ప్రదర్శనతో అదరగొట్టాడు జోఫ్రా ఆర్చర్. కచ్చితమైన వేగంతో బంతులేస్తూ మార్క్రమ్, డుప్లెసిస్, వాండర్​సేన్ వికెట్లు పడగొట్టాడు. ఇన్నింగ్స్ ప్రారంభంలో జోఫ్రా సంధించిన ఓ బౌన్సర్ వల్ల సఫారీ బ్యాట్స్​మన్ ఆమ్లా రిటైర్​హర్ట్​గా వెనుదిరగాల్సి వచ్చింది.

జూన్​ 3న ట్రెంట్​బ్రిడ్జ్​లో పాకిస్థాన్​తో తన తర్వాతి మ్యాచ్​ ఆడనుంది ఇంగ్లీష్ జట్టు.

ఇది చదవండి: గాయం నుంచి కోలుకున్న జాదవ్​​.. నెట్స్​​లో ప్రాక్టీస్​