ఐపీఎల్ పాలకమండలి సమావేశం ముగిసింది. ముందు చెప్పినట్లు సెప్టెంబరు 19 నుంచి లీగ్ ప్రారంభమవుతుందని తెలిపారు. ఫైనల్ మాత్రం నవంబరు 10న నిర్వహించనున్నామని స్పష్టం చేశారు. అయితే చైనా స్పాన్సర్ వివోతో పాటు అన్ని స్పాన్సర్లకు అనుమతినిస్తున్నట్లు ఓ అధికారి వెల్లడించారు.
కేంద్ర హోం శాఖ.. మరో వారంలో ఈ విషయంపై ఆమోదం తెలపనుందని పాలకమండలి అధికారి చెప్పారు. ఫైనల్ నవంబరు 10న జరుగుతుందని అన్నారు. దీనితో పాటే మహిళ ఐపీఎల్ ఉంటుందని స్పష్టం చేశారు. అయితే పురుషుల ఐపీఎల్లో ఈసారి ప్రతి జట్టులో 24 మంది ఆటగాళ్లు ఉండనున్నట్లు తెలుస్తోంది.
అయితే దుబాయ్కు చెందిన ఓ సంస్థ యూఏఈ వైద్యసదుపాయాలపై ప్రజంటేషన్ బీసీసీఐకి ఇచ్చింది. అయితే బోర్డు మాత్రం బయో బబుల్ సృష్టించే విషయమై టాటా గ్రూప్తో చర్చలు జరుపుతోంది.
