ఇంగ్లాండ్తో మిగతా రెండు వన్డేలకు భారత యువ బ్యాట్స్మెన్ శ్రేయస్ అయ్యర్ గాయం కారణంగా దూరం అయ్యాడు. ఏప్రిల్ రెండో వారం నుంచి ప్రారంభం కానున్న ఐపీఎల్కు అతడు ఆడేది అనుమానంగానే మారింది. తొలి వన్డే సందర్భంగా ఫీల్డింగ్ చేస్తూ గాయపడిన శ్రేయస్కు.. ఎడమ చేయి భుజం బెణికింది.
"ఐపీఎల్లో శ్రేయస్ ఆడేది అనుమానమే" అని బీసీసీఐ ప్రకటించింది.
డీసీకి ఎదురుదెబ్బ
శ్రేయస్కు గాయంతో దిల్లీ క్యాపిటల్స్కు గట్టి ఎదురుదెబ్బ తగిలినట్లే. ఆ జట్టును ముందుండి నడిపిస్తున్న ఈ యువ బ్యాట్స్మెన్ టోర్నీకి దూరమైతే టీంపై ఎక్కువ ప్రభావమే పడుతుంది.
ఇంగ్లాండ్తో మొదటి వన్డేలో బెయిర్ స్టో కొట్టిన బంతిని.. శ్రేయస్ డైవ్ చేసి ఆపబోయాడు. దీంతో అతని ఎడమ చేయి మైదానాన్ని బలంగా తాకింది. నొప్పితో విలవిలలాడిన అయ్యర్.. బాధతో ఫీల్డ్ను వీడాడు.
ఇదీ చదవండి: శ్రేయస్కు గాయం- ఐపీఎల్కు అనుమానం!
