దుబాయ్లో అడుగుపెట్టిన తర్వాత ఉన్న ఆరురోజుల క్వారంటైన్ సమయం ఎంతో కష్టంగా గడిచిందని చెప్పాడు చెన్నై సూపర్కింగ్స్ కెప్టెన్ ధోనీ. లాక్డౌన్లో ఐదు నెలలు కుటుంబసభ్యులతో గడిపిన అనంతరం ఒంటరిగా ఉండటం భారంగా అనిపించిందని అన్నాడు. ముంబయితో మ్యాచ్ ప్రారంభానికి ముందు ఈ వ్యాఖ్యలు చేశాడు.
"ఆరు రోజులపాటు క్వారంటైన్లో ఉండటం చాలా కష్టంగా అనిపించింది. కుటుంబసభ్యులతో సరదాగా గడుపుతూ అకస్మాతుగా ఒక్క గదిలో ఒంటరిగా ఉండటం మాములు విషయం కాదు. ఏదేమైనప్పటికీ ఇప్పుడు ప్రశాంతంగా ఉంది. ఇటీవల ప్రాక్టీసు కూడా బాగా చేశాం. ఇక్కడి వాతావరణానికి బాగానే అలవాటు పడ్డాం"
-ధోనీ, సీఎస్కే కెప్టెన్
గత సీజన్ ఫైనల్లో ముంబయిపై ఓడిపోయారు కదా, ఈ సీజన్లో దానికి ప్రతికారం తీర్చుకుంటారా? అని అడగ్గా.. "జెంటిల్మెన్ ప్రతీకారం గురించి ఆలోచించడు. గతంలో జరిగిన తప్పులను సరిదిద్దుకోవడంపై దృష్టి సారిస్తాడు" అని ధోనీ అన్నాడు.
టాస్ ఓడి తొలుత బ్యాటింగ్ దిగిన ముంబయి జట్టు.. నిర్ణీత ఓవర్లలో 9 వికెట్లు కోల్పోయి 162 పరుగులు చేసింది. డికాక్ (33), సౌరభ్ తివారీ (42) మాత్రమే చెప్పుకోదగ్గ స్కోరు చేశారు. మిగిలిన వారు నామమాత్రంగా పరుగులు చేశారు. చెన్నై బౌలర్లలో ఎంగిడి 3, జడేజా, దీపక్ చాహర్ తలో రెండు వికెట్లు పడగొట్టారు.
ఇదీ చూడండి చెన్నై సూపర్కింగ్స్ లక్ష్యం 163 పరుగులు
