సొంతగడ్డపై దక్షిణాఫ్రికాతో జరిగిన చివరి వన్డేలో భారత్ ఓటమి పాలైంది. ఐదు మ్యాచ్ల సిరీస్ను 4-1 తేడాతో గెలుచుకుంది ప్రొటీస్ జట్టు. తొలుత బ్యాటింగ్ చేసిన టీమ్ఇండియా.. 49.3 ఓవర్లలో 188 పరుగులకు ఆలౌటైంది. కెప్టెన్ మిథాలీ (79*), హర్మన్ప్రీత్ కౌర్ (30 రిటైర్డ్ హర్ట్) మినహా ఎవరూ రాణించలేదు. దక్షిణాఫ్రికా బౌలర్లలో నాడిన్ డి క్లర్క్ 3, తుమి 2, నోండుమిసో షాంగెస్ 2 వికెట్లతో రాణించారు.
అనంతరం బ్యాటింగ్కు దిగిన సౌతాఫ్రికా 48.2 ఓవర్లలో 5 వికెట్లు కోల్పోయి లక్ష్యాన్ని ఛేదించింది. మిగ్నాన్ డు ప్రీజ్, అన్నేకే బాష్లు అర్ధ సెంచరీలతో రాణించారు. టీమ్ఇండియా బౌలర్లలో రాజేశ్వరీ గైక్వాడ్ 3 వికెట్లు తీసింది.
లఖ్నవూ వేదికగా దక్షిణాఫ్రికాతో 3 మ్యాచ్ల టీ20 సిరీస్ మార్చి 20న ప్రారంభం కానుంది.
ఇదీ చదవండి: ఐసీసీ ర్యాంకింగ్స్: 3 ఫార్మాట్లలోనూ టాప్-5లో కోహ్లీ
