దాదాపు ఆరేళ్ల తర్వాత భారత మహిళల జట్టు ఓ టెస్టు మ్యాచ్ ఆడనుంది. ఇంగ్లాండ్ జట్టుతో ఈ ఏడాదిలోనే ఆ మ్యాచ్ జరుగుతుందని బీసీసీఐ కార్యదర్శి జై షా సోమవారం ప్రకటించారు.
"అంతర్జాతీయ మహిళల దినోత్సవం సందర్భంగా భారత మహిళల జట్టు.. మరోసారి టెస్టులు ఆడనుందని ప్రకటించడానికి సంతోషిస్తున్నా. ఈ ఏడాదిలో ఇంగ్లాండ్తో ఒక టెస్టు మ్యాచ్లో తలపడనుంది. బ్లూ జెర్సీలో ఉన్నవారు తెలుపు జెర్సీలోకి మారనున్నారు."
-జై షా, బీసీసీఐ కార్యదర్శి
అయితే వేదిక ఎక్కడనేది షా వెల్లడించలేదు. ఇంగ్లాండ్ పర్యటనలో జూన్ లేదా జులైలో ఈ మ్యాచ్ జరుగుతుందని తెలుస్తోంది.
చివరిసారిగా 2014లో మైసూర్లో సౌతాఫ్రికాతో మిథాలీ సేన టెస్టు మ్యాచ్ ఆడింది.
దాదాపు ఏడాది తర్వాత ప్రస్తుతం సఫారీ జట్టుతోనే లఖ్నవూలో వన్డే సిరీస్ ఆడుతోంది టీమ్ఇండియా.
ఇదీ చూడండి: రెండో వన్డేలో మిథాలీ సేన సత్తా చాటేనా?
