ఆస్ట్రేలియాతో త్వరలో జరగనున్న పరిమిత ఓవర్ల సిరీస్లో టీమ్ఇండియా ఓడిపోతే.. టెస్టు సిరీస్లో వైట్వాష్ అవుతుందని ఆసీస్ మాజీ కెప్టెన్ మైకేల్ క్లార్క్ అభిప్రాయపడ్డాడు. కోహ్లీసేన బాగా ఆడితేనే పైచేయి సాధిస్తుందని అన్నాడు.
"ఆస్ట్రేలియాతో పరిమిత ఓవర్ల సిరీస్లో టీమ్ఇండియా గెలవాలి. లేదంటే టెస్టు సిరీస్నూ 4-0 తేడాతో వైట్వాష్ అవుతుందని అనుకుంటున్నాను. వన్డేలు, టీ20ల్లో బాగా ఆడితే మాత్రం తొలి టెస్టులో కెప్టెన్ కోహ్లీ కీలకపాత్ర పోషించే అవకాశముంది. బుమ్రా లాంటి అత్యుత్తమ బౌలర్తో ఆస్ట్రేలియా ఆటగాళ్లు దూకుడుగా ఆడాల్సిన అవసరం ఉంది. బుమ్రాతో పాటు కెప్టెన్ కోహ్లీ, ఆస్ట్రేలియాపై విరుచుకుపడే ప్రమాదం ఉంది"
- మైకేల్ క్లార్క్, ఆస్ట్రేలియా మాజీ క్రికెటర్
2018-19లో జరిగిన బోర్డర్-గావస్కర్ ట్రోఫీలో ఆస్ట్రేలియాపై టీమ్ఇండియా అద్భుత విజయం సాధించింది. కంగారూ గడ్డపై తొలిసారి టెస్టు సిరీస్ను కైవసం చేసుకుని సరికొత్త రికార్డు సృష్టించింది. నవంబరు 17 నుంచి జనవరి 19వరకు జరిగే ఈ పర్యటనలో ఇరుజట్లు మూడు వన్డేలు, మూడు టీ20లు, నాలుగు టెస్టులు ఆడనున్నాయి.
