లంచ్​ విరామానికి టీమ్​ఇండియా 90/3

రెండో టెస్టు తొలి ఇన్నింగ్స్​లో ఆచితూచి ఆడుతోంది భారత్. రెండో రోజు లంచ్ విరామానికి 3 వికెట్లు కోల్పోయి 90 పరుగులతో నిలిచింది. ప్రస్తుతం క్రీజులో రహానె, విహారి ఉన్నారు.

ఆస్ట్రేలియాతో రెండో టెస్టులో రెండో రోజు ఆట మొదలైంది. 36/1తో ఆట ప్రారంభించిన భారత్.. వెంట వెంటనే రెండు వికెట్లు కోల్పోయింది. గిల్ 45 పరుగులు చేసి ఔటయ్యాడు. ఆ తర్వాత కొద్దిసేపటికి పూజారా కీపర్‌ క్యాచ్​గా వెనుదిరిగాడు. ప్రస్తుతం 37 ఓవర్లు పూర్తయ్యేసరికి 90/3తో నిలిచింది. క్రీజులో అజింక్య రహానె, హనుమ విహారి ఉన్నారు.

అంతకు ముందు తొలి ఇన్నింగ్స్​లో ఆస్ట్రేలియా 195 పరుగులకు ఆలౌటైంది. లబుషేన్ అత్యధికంగా 48 పరుగులు చేశాడు. భారత బౌలర్లలో బుమ్రా 4, అశ్విన్ 3 వికెట్లు తీశారు.