భారత్-ఇంగ్లండ్ మధ్య జరుగుతున్న మహిళల టీ 20లో ఇంగ్లండ్ నాలుగు వికెట్లు కోల్పోయి 160 పరుగులు చేసింది. అసోం గువహటి వేదికగా జరుగుతున్న ఈ మ్యాచ్లో భారత్ టాస్ గెలిచి ఫీల్డింగ్ ఎంచుకుంది. బేమౌంట్ అర్థశతకంతో రాణించగా మరో ఓపెనర్ వ్యాట్ 35 పరుగులతో ఆకట్టుకుంది. వీరిద్దరూ తొలి వికెట్కు 89 పరుగుల భాగస్వామ్యాన్ని నమోదుచేశారు. వ్యాట్ని ఔట్చేసి శిఖాపాండే ఈ జంటను విడదీసింది. రాధ రెండు వికెట్లు తీయగా, దీప్తి ఓ వికెట్ తన ఖాతాలో వేసుకుంది.
కాసేపటికే వన్డౌన్ బ్యాట్స్ఉమన్ నటాలీ రాధ బౌలింగ్లో ఔట్ అవ్వగా ఇంగ్లీష్ కెప్టెన్ హెథర్ నైట్ మరో వికెట్ పడకుండా జాగ్రత్తపడింది. భారత బౌలర్లను సమర్థంగా ఎదుర్కొన్న బేమౌంట్ వీలు చిక్కినప్పుడల్లా బౌండరీలు బాదుతూ స్కోరును ముందుకు కదిలించింది. వ్యాట్తో కలిసి విలువైన భాగస్వామ్యన్ని నమోదు చేసింది.
చివర్లో మెరుపులు..
కెప్టెన్ హెథర్ నైట్ ధాటిగా ఆడి జట్టుకు భారీ స్కోరును అందించింది. అరుంధతి రెడ్డి వేసిన 18ఓవర్లో వరసగా 5 ఫోర్లు కొట్టి చివర్లో మెరుపులు మెరిపించింది హెథర్. 20 బంతుల్లో 40 పరుగులు చేసి దీప్తి శర్మ బౌలింగ్లో ఔటైంది. చివరి మూడు ఓవర్లలో 37 పరుగులు రాబట్టుకుంది ఇంగ్లీష్ జట్టు.
