ఆస్ట్రేలియాతో టెస్టు సిరీస్లో టీమ్ఇండియా ఆటగాళ్లు వరుసగా గాయపడుతున్నారు. ఇందుకు గల కారణాలను వారే స్వయంగా తెలుసుకోవాల్సిన అవసరముందని ఆసీస్ మాజీ క్రికెటర్ గిల్క్రిస్ట్ అన్నాడు. లేకపోతే భవిష్యత్తులో ఇబ్బంది పడే అవకాశాలున్నాయని చెప్పాడు. గాయాల బారిన పడినప్పటికీ భారత జట్టు తిరిగి పుంజుకున్న విధానం బాగుందని మెచ్చుకున్నాడు.
"ఈ పర్యటనలో భారత జట్టు ఎదుర్కొంటోన్న గాయాలు అసాధారణమైనవి. అలా ఎందుకు జరుగుతున్నాయో, అందుకు గల కారణాలను వారు త్వరగా తెలుసుకోవాలి. భారత ఆటగాళ్లకు తగిలిన గాయాల్లో కొన్ని ఆసీస్ పేస్ దాడి వల్ల జరిగాయి. మరి మిగతావి? వారు ఈ సమస్యలను నియంత్రించుకోలేకపోతున్నారా? వీటికి సమాధానం టీమ్ఇండియానే తెలుసుకోవాలి. కానీ మీకు మీరు ఆ ప్రశ్నలు వేసుకోరు. మళ్లీ ఓడిపోకుండా పోరాడుతున్నారు. అది ప్రశంసనీయం. ప్రపంచంలోని ఎన్నో మంచి జట్లు.. మా గడ్డపై టెస్టుల్లో ఓటమిపాలయ్యాయి. టీమ్ఇండియా గబ్బా టెస్టు వరకు చేరడం ఆశ్చర్యంగా ఉంది. ఈ సిరీస్లో వారు గెలిచే అవకాశాలు కూడా ఉన్నాయి"
-గిల్క్రిస్ట్, ఆసీస్ మాజీ క్రికెటర్
ఆసీస్ క్రికెటర్ మాథ్యూ వేడ్ తన ఆటను ఇంకా మెరుగుపరుచుకోవాలని ఆసీస్ మాజీ ఓపెనర్ మార్క్ వా సూచించాడు. ప్రస్తుతం బ్రిస్బేన్లో జరుగుతున్న నాలుగో టెస్టు తొలి ఇన్నింగ్స్లో ఆసీస్ 369 పరుగులకు ఆలౌట్ అయింది.
ఇదీ చూడండి : గబ్బా టెస్టు: తొలి ఇన్నింగ్స్లో ఆసీస్ 369 ఆలౌట్
